ডিজিটেল ডেস্ক:
মোদী চৰকাৰে ভাৰতৰ মানুহক অচ্ছে দিনৰ সপোন দেখুৱাইছিল যদিও ভাৰতত ক্ৰমাৎ বৃদ্ধি পাইছে নিৱনুৱা সমস্যা৷ ইয়াৰ মাজতে বিহাৰ চৰকাৰে দেখুৱাই বিহাৰৰ জনতাক এক নতুন সপোন৷ আজি নীতিশ কুমাৰৰ মন্ত্ৰীসভা বিস্তাৰ কৰাৰ পূৰ্বে এই কথা ঘোষণা কৰা হয়৷
নীতিশ কুমাৰে প্ৰায় ২০ লাখ চাকৰি প্ৰদানৰ আশ্বাস দিয়ে বিহাৰৰ জনতাক৷ চৰকাৰী আৰু বেচৰকাৰী দুয়োটা ক্ষেত্ৰতে ৰোজগাৰৰ ব্যৱস্থা কৰা হ’ব বুলি নীতিশ কুমাৰে ঘোষণা কৰে৷ আনফালে , ২০২০ চনৰ নিৰ্বাচনত তেজস্বী যাদৱেও দহ লাখ চাকৰি প্ৰদানৰ আশ্বাস প্ৰদান কৰিছিল বিহাৰবাসীক৷
সমান্তৰালভাৱে, মহাযোঁট চৰকাৰখনত আৰজেডি-জেডিইউ-কংগ্ৰেছ আৰু আন দলৰ মন্ত্ৰীৰ সংখ্যাক লৈ যথেষ্ট খেলি-মেলিৰ সৃষ্টি হৈছে৷
সুত্ৰ অনুসৰি , ১৬ জন মন্ত্ৰী আৰজেডি আৰু ২জন কংগ্ৰেছৰ , ১৩ জন মন্ত্ৰী জেডিইউৰ পৰা হোৱাৰ সম্ভাৱনা আছে৷
জানিব পৰা মতে , আৰজেডিৰ দলৰ পৰা এই বাৰৰ বিধানসভাৰ অধক্ষ্য নিৰ্বাচন কৰা হ’ব। পূৰ্বৰ বিধানসভাৰ অধক্ষ্য বিজয় কুমাৰ সিনহায়ে চৰকাৰ সলনি হোৱাৰ পিছতো ইস্তফা পত্ৰ দাখিল কৰিবলৈ অমান্তি হৈছিল৷ তেতিয়া মহাযোঁটে তেওঁৰ বিৰুদ্ধে অবিশ্বাসৰ প্ৰস্তাৱ দাখিল কৰিছিল৷
সূত্ৰ অনুসৰি জেডিইউ দলৰ বিজয় কুমাৰ চৌধুৰী, বিজেন্দ্ৰ প্ৰসাদ যাদব, অশোক চৌধুৰী, শ্ৰৱণ কুমাৰ, সঞ্জয় কুমাৰ , সঞ্জয় কুমাৰ ঝা, সুনীল কুমাৰ, জয়ন্ত ৰাজ আদি নেতা মন্ত্ৰী হিচাপে নিৰ্বাচিত হোৱাৰ সম্ভাৱনা আছে৷নিৰ্দলীয় সুমিত কুমাৰ সিংহ আৰু জীনতৰাম মাঝিৰ দলৰ সন্তোষ কুমাৰ সুমনকো মন্ত্ৰী হিচাপে নিৰ্বাচন কৰা হ’ব ৷
উল্লেখযোগ্য যে , এন ডি এৰ পৰা বিভাজন হোৱাৰ পিছত অষ্টমবাৰলৈ নীতিশ কুমাৰ বিহাৰৰ মুখ্যমন্ত্ৰী হ’ব৷ লগতে তেজস্বী যাদৱ দ্বিতীয়বাৰলৈ উপ মুখ্যমন্ত্ৰী হ’ব৷ এই মহাযোঁট বন্ধনত প্ৰায় সাতটা দল সংযোজিত হৈ আছে৷ লগতে মন্ত্ৰীসভাত ৩১ জন মন্ত্ৰী অন্তৰ্ভূক্ত কৰা হ’ব বুলি জানিব পৰা গৈছে৷
Continue Reading
