ডিজিটেল ডেস্কঃ ওজন নিয়ন্ত্ৰণত থকাটো সকলোৱে বিচাৰে। তাৰবাবে একাংশ লোকে বহু কষ্ট কৰে। আজিকালি সকলোৱে দেখাত ফিট এণ্ড ফাইন হৈ থাকিবলৈ বিচাৰে।
চিকাগোৰ জেফ পিটাৰ্ছ নামৰ এজন ৩৮ বছৰীয়া যুৱকৰ ২০১৭ চনত ওজন আছিল ২২৬ কেজি। এতিয়ালৈকে তেওঁৰ ওজন ১৪৭ কেজি কমিছে। বিভিন্ন ব্যায়াম, খাদ্যাভাস সলনি কৰি তেওঁ ওজন কমোৱাৰ লগতে পাছত তেওঁ গেষ্ট্ৰিক স্লীভ অস্ত্ৰোপচাৰ কৰে। এই অস্ত্ৰোপচাৰ কৰি জেফে ৭৯ কিলোগ্ৰাম ওজন কমালে। সৰ্বমুঠ ১৪৭ ওজন হ্ৰাস কৰাৰ পাছত জেফ পিটাৰ্ছৰ বৰ্তমান ওজন ৭৯ কেজি। কিন্তু ওজন কমি যোৱাৰ পিছত জেফৰ ১৮ কেজিৰ ছাল ওলমি পৰিছে। যাৰ বাবে তেওঁ খোজ কঢ়া আৰু কাপোৰ পিন্ধাত বহুত অসুবিধা পাইছে।
জেফ পিটাৰ্ছে কৈছিল যে ওজন কমোৱাৰ পূৰ্বে তেওঁৰ ওজন দুটা হাতী পোৱালীৰ সমান আছিল। এটা হাতী পোৱালীৰ ওজন জন্ম হওতে থাকে ১২০-১৪০ কেজি। ২০১৭ চনত জেফৰ এজন বন্ধু অভাৰৱেটৰ বাবে মৃত্যুমুখত পৰে। সেই ভয়তে জেফ পিটাৰ্ছে ওজন কম কৰাৰ কথা চিন্তা কৰে।
ছাল ওলমি পৰা বিষয়টোত বৰ্তমান ধ্যান দিছে জেফ পিটাৰ্ছে।
Continue Reading
