ডিজিটেল ডেস্কঃশেহতীয়াকৈ গৰমৰ পৰা পৰিত্ৰাণ পাবলৈ নদীত সাঁতুৰি থকা এজন ফুটবলাৰক ঘঁৰিয়ালে হত্যা কৰে।ছবিত দেখা গৈছে যে বিশাল ঘঁৰিয়ালে পানীৰ মাজেৰে সাঁতুৰি থাকোঁতে মৃত ব্যক্তিজনৰ মৃতদেহ মুখত কঢ়িয়াই লৈ ফুৰিছে।
আন এটা ভিডিঅ’ত দেখা গৈছে যে স্থানীয় লোকে মৃতদেহটো পাৰলৈ অনাৰ আগতেই ঘঁৰিয়ালটোক পানীত গুলীয়াই হত্যা কৰা হৈছে।‘চুচো’ নামেৰে পৰিচিত বিশিষ্ট ফুটবলাৰ জেছুছ আলবাৰ্টো লোপেজ অৰ্টিজক ২৯ জুলাইত ঘঁৰিয়ালে হত্যা কৰে৷
কোষ্টাৰিকা গুৱানাকাষ্টে প্ৰদেশৰ ৰিঅ’ কানাছত নদীত থকা অৱস্থাত ঘঁৰিয়ালটোৱে আক্ৰমণ কৰে।মৃত লোপেজ আছিল ডিপ’ৰ্টিভ’ ৰিঅ’ কানাছ দলৰ ফুটবলাৰ। ৩১ জুলাইত লোপেজৰ পৰিয়ালৰ লোকে জনসাধাৰণক ফুটবলাৰজনৰ অন্ত্যেষ্টিক্ৰিয়াৰ খৰচ পৰিশোধ কৰাত সহায় কৰিবলৈ কয়।তেওঁৰ দলৰ পৰিচালক লুইছ কাৰ্লোছ মণ্টেছেও ভুক্তভোগীৰ পৰিয়ালৰ বাবে এক শোকসভাৰ আয়োজন কৰিছে।
উল্লেখ্য যে,সেইস্থানত ঘঁৰিয়ালৰ দৰে সংৰক্ষিত জীৱ-জন্তুৰ চিকাৰ বা হত্যাত নিষেধাজ্ঞা আৰোপ কৰিছে পৰিৱেশ আৰু শক্তি মন্ত্ৰালয়ে।স্থানীয় লোকে মৃতদেহ সংগ্ৰহ কৰিব পৰাকৈ ঘঁৰিয়ালক হত্যা কৰাৰ সিদ্ধান্তৰ তদন্ত কৰি আছে নে নাই সেয়া স্পষ্ট হোৱা নাই। কিন্তু স্থানীয় কৰ্তৃপক্ষৰ এক বিবৃতিত কোৱা হৈছে যে তেওঁলোকৰ পুলিচেই নৰখাদক ঘঁৰিয়ালটোক হত্যা কৰিছিল।
Continue Reading
