ডিজিটেল ডেস্কঃ দিনজোৰা কাৰ্য্যসূচীৰে প্ৰতিমা বৰুৱা পাণ্ডেৰ নিজা চহৰ গৌৰীপুৰৰ ৰাজুহুৱা পুথিভঁৰালত গোৱালপাৰীয়া লোক গীতৰ সম্ৰাজ্ঞী পদ্মশ্ৰী প্ৰতিমা বৰুৱা পাণ্ডেৰ ২৩তম মৃত্যু বাৰ্ষিকী উদযাপন কৰে।
গৌৰীপুৰ ৰাজুহুৱা পুথিভঁৰালৰ সন্মুখত থকা প্ৰতিমা বৰুৱা পাণ্ডেৰ আৱক্ষ প্ৰতিমূৰ্তিত মাল্য অৰ্পণ কৰি শ্ৰদ্ধাঞ্জলি জ্ঞাপন কৰে ধুবুৰী জিলা আছুৰ নেতৃত্বৰ লগতে ধুবুৰী দেশী জনগোষ্টীৰ মঞ্চ,গৌৰীপুৰ ৰাজ পৰিয়ালৰ সদস্য আৰু বিভিন্ন দল সংগঠনৰ নেতৃত্বই। মৃত্যুবাৰ্ষিকী দিনটোত নাম প্ৰসংগ আৰু শিল্পী গৰাকীৰ কালজৰী গীতৰে স্মৰণ কৰা দেখা যায়।
সদৌ অসম ছাত্ৰ সন্থাৰ ধুবুৰী জিলা সমিতিয়ে শিলাইৰপাৰৰ বাসিন্দা সাৰিন্দা বাদক আমৰেন্দ্ৰ ৰায়লৈ প্ৰতিমা বৰুৱা পাণ্ডে স্মাৰক বঁটা ২০২৫ প্ৰদান কৰে।
Continue Reading
