২৪ ঘণ্টাই কাম কৰাৰ মন! শোৱে মাত্ৰ ২ ঘণ্টা,তাকো বাদ দিব বিচাৰে মোদীয়ে

ডিজিটেল ডেস্কঃ নৰেন্দ্ৰ মোদীয়ে দিনত মাত্ৰ ২ ঘণ্টা শুৱে। কেৱল এয়াই নহয়, দেশখনৰ বাবে সমৰ্পিত প্ৰধানমন্ত্ৰীয়ে টোপনিৰ সময় আৰু কেনেদৰে হ্ৰাস কৰিব পাৰি তাৰ বাবে চেষ্টা কৰি আছে। যাতে দেশৰ বাবে আৰু অধিক সময় নিয়োজিত কৰিব পাৰে। এই দাবী কৰে মহাৰাষ্ট্ৰৰ বিজেপি প্ৰধান চন্দ্ৰকান্ত পাটিলে। ইয়াকে লৈ এতিয়া ভিন্ন মহলত প্ৰতিক্ৰিয়া সৃষ্টি হৈছে। মহাৰাষ্ট্ৰবিজেপিৰ মুৰব্বী চন্দ্ৰকান্ত পাটিলে অলপতে কোলহাপুৰ উত্তৰ বিধানসভাৰ উপ-নিৰ্বাচনৰ পূৰ্বে দলীয় কৰ্মীসভাত উপস্থিত আছিল। বিজেপি নেতাজনে তাত কৰ্মীসকলক উৎসাহিত কৰিবলৈ এই কথা কয়। তেওঁ প্ৰধানমন্ত্ৰী নৰেন্দ্ৰ মোদীৰ জীৱনশৈলীৰ বিষয়ে উত্থাপন কৰি ক’য় যে, "প্ৰধানমন্ত্ৰী নৰেন্দ্ৰ মোদীয়ে ২৪ ঘণ্টা সাৰ পাই থকাৰ পৰিকল্পনা কৰিছে। বৰ্তমান প্ৰধানমন্ত্ৰীয়ে দিনত মাত্ৰ দুঘণ্টা শুৱে বুলি তেওঁ দাবী কৰিছে। বিজেপি নেতাজনে লগতে ক’য় যে, প্ৰধানমন্ত্ৰীয়ে ২৪ ঘণ্টা সাৰ পাই থাকি দেশৰ বাবে কাম কৰিব বিচাৰে। বৰ্তমান মোদীয়ে এই বিষয়ে চিকিৎসকৰ পৰামৰ্শ লৈছে বুলি পাটিলে কয়। চন্দ্ৰকান্ত পাটিলৰ মন্তব্য ভাইৰেল হোৱাৰ লগে লগে ছ'চিয়েল মিডিয়াত এক হুলস্থূলৰ সৃষ্টি হয়। প্ৰধানমন্ত্ৰী নৰেন্দ্ৰ মোদী ফিটনেছক লৈও যথেষ্ট সচেতন। তেওঁ সঠিক সময়ত শুয় আৰু নিয়মীয়াকৈ যোগকৰে। ৭১ বছৰ বয়সত, নৰেন্দ্ৰ মোদীয়ে নিজকে সতেজ কৰি ৰাখিছে। তেওঁৰ টোপনিৰ সদায় মজলীয়া হয়। ইয়াৰ পূৰ্বে ২০১২ চনত দেশৰ দায়িত্ব তেওঁৰ কান্ধত অহাৰ আগতেই মোডীয়ে এক সংবাদ মাধ্যমৰ সাক্ষাৎকাৰত কৈছিল যে তেওঁ দিনে ৪-৫ ঘণ্টাতকৈ অধিক সময় শুবলৈ অনিচ্ছুক।