এজন নেতাৰ মৃত্যুৰ বাবেই একেটা পৰিয়ালৰ ৮ জনক জীৱিত অৱস্থাত জ্বলাই দিয়া হয়!

ডিজিটেল ডেস্ক : একেটা গৃহতেই ৮ জনৰ মৃতদেহ৷ ভয়ংকৰ অগ্নিশিখাই প্ৰাণ কাঢ়িলে ৮জনৰ৷ এই ঘটনাৰ সাক্ষী হ'ল সমগ্ৰ দেশ৷ ঘটনাৰ স্থান পশ্চিমবংগৰ ৰামপুৰহাট৷ এজন নেতাৰ মৃত্যুৰ বাবেই এখন গাঁৱলৈ নামী আহিল অমানিশা৷ শেহতীয়াকৈ প্ৰকাশ পোৱা তথ্য অনুসৰি সোমবাৰে নিশা বীৰভূমৰ ৰামপুৰহাটৰ বাগুটি গাঁৱৰ এজন উপপ্ৰধান ভাদু শ্বেখ হত্যা বলি হয়৷ যাৰ বাবে ইয়াৰ পৰিণাম হিচাপে কমেও আঠজন লোকক জীৱিত অৱস্থাত জ্বলাই দিয়া হয়। ডিজিপি মনোজ মালৱীয়ৰ ঘটনাৰ সন্দৰ্ভত কয় যে 'ঘটনাটোত আঠজন লোক নিহত হৈছিল। এটা ঘৰৰ পৰা সাতটা মৃতদেহ উদ্ধাৰ কৰা হৈছিল। আহত তিনিজনৰ ভিতৰত এজনৰ আজি পুৱা চিকিৎসালয়ত মৃত্যু হয়।' উল্লেখ্য যে, বাৰোচাল গাঁৱৰ পঞ্চায়ত কৰ্মকৰ্তা ভাদু শ্বেখক ৰাষ্ট্ৰীয় ঘাইপথ-৬০ৰ এখন দোকানত থাকোতে বোমাৰে আক্ৰমণ কৰা হয়। তেওঁক এখন চিকিৎসালয়লৈ লৈ যোৱা হৈছিল যদিও তেওঁক মৃত বুলি ঘোষণা কৰা হয়। ভাদু শ্বেখ পঞ্চায়ত প্ৰধানক আছিল৷ অতি কম সময়তেই জনপ্ৰিয়তা লাভ কৰিছিল তেওঁ৷ ঘটনাৰ পাছত জনতাই ভাদু শ্বেখ গাঁৱত বিৰোধীৰ কিছুমান ঘৰত আক্ৰমণ কৰে। আৰক্ষীয়ে এতিয়ালৈকে শ্বেখৰ হত্যাৰ বাবে এজন লোকক গ্ৰেপ্তাৰ কৰিছে। অগ্নিনিৰ্বাপক বিষয়াসকলে কৈছিল যে সোমবাৰে নিশা প্ৰায় এক ডজন ঘৰত জুই লগোৱা হৈছিল আৰু যেতিয়া তেওঁলোক নিশা ঘটনাস্থলীত উপস্থিত হৈ দেখিছিল যে তেতিয়ালৈ জুই নিৰ্বাপণ কৰিবলৈ ঘটনাস্থলীত এখনো অগ্নিনিৰ্বাপন গাড়ী উপস্থিত হোৱা নাছিল। এই জুয়ে প্ৰাণকাঢ়ি নিছিল ৮জন লোকৰ৷ এই মৃতদেহকেইটাৰ অৱস্থা ইমান বেয়া হৈছিল যে চিনাক্ত কৰাত আৰক্ষীৰ বাবে বহু কঠিন হৈ পৰিছিল৷ অগ্নিনিৰ্বাপক বিষয়াৰ তথ্য অনুসৰি এটা ঘৰৰ পৰা সাতটা মৃতদেহ বিচাৰি পোৱা গৈছিল।