ডিজিটেল ডেস্কঃ এগৰাকী মহিলা!মহিলাগৰাকীৰ সপোন আন মহিলাতকৈ পৃথক আৰু অনন্য৷কাৰণ মহিলাগৰাকীৰ ইচ্ছা ১০০জন সন্তানৰ মাতৃ হোৱাৰ৷এগৰাকী মহিলাক গৰ্ভাৱস্থাই বিভিন্ন ধৰণৰ শাৰীৰিক আৰু মানসিক অসুবিধাৰ সৃষ্টি কৰিব পাৰে। প্ৰসৱৰ পাছত মাতৃৰ দায়িত্ব আৰু অধিক বাঢ়ি যায়, যাৰ বাবে বৰ্তমান সময়ত বহু মহিলাই মাত্ৰ এটা সন্তান জন্ম দিয়াৰ পথ বাছি লৈছে। কিন্তু এইটো জানি আচৰিত হ’ব যে এগৰাকী ২৬ বছৰীয়া ৰাছিয়ান মহিলা ক্ৰিষ্টিনা অজটাৰ্কে ২২জন সন্তানৰ মাতৃ হোৱাৰ কৃতিত্ব লাভ কৰিছে৷
ৰাছিয়াৰ ২৬ বছৰীয়া ক্ৰিষ্টিনা অজটাৰ্ক নামৰ মহিলাগৰাকী জৰ্জিয়াত বাস কৰে৷ আপুনি হয়তো ভাবিছে যে ২৬ বছৰীয়া এগৰাকী মহিলাৰ ২২টা সন্তান জন্ম দিয়াটো কেনেকৈ সম্ভৱ।প্ৰকৃততে ক্ৰিষ্টিনাৰ ডাঙৰ কন্যা ৮ বছৰীয়া ভিক্টোৰিয়াৰ স্বাভাৱিকভাৱেই গৰ্ভধাৰণ হৈছিল। কিন্তু তাৰ পাছৰ ২১জন সন্তানৰ সকলোবোৰেই চেৰ’গেছিৰ জৰিয়তে জন্ম হৈছিল, ইয়াৰে ২০২০ চনত ২০জন সন্তানে জন্ম লাভ কৰিছিল।
২০২১ চনত পৰিয়ালটোৱে তেওঁলোকৰ সৰু কন্যা অলিভিয়াক এই পৃথিৱীলৈ আদৰণি জনায়। ক্ৰিষ্টিনাই কোটিপতি স্বামীৰ সহযোগত মুঠ ১০৫জন সন্তান জন্ম দিয়াৰ ইচ্ছা প্ৰকাশ কৰিছে। উল্লেখযোগ্য যে তেওঁৰ স্বামী ৫৮ বছৰীয়া গালিপ অজটাৰ্ক তেওঁতকৈ ৩২ বছৰ ডাঙৰ আৰু তেওঁৰ এখন হোটেল আছে। চলিত বৰ্ষৰ আৰম্ভণিতে গালিপক অবৈধ ড্ৰাগছ ক্ৰয় আৰু ৰখাৰ অভিযোগত ৮ বছৰৰ কাৰাদণ্ড বিহা হৈছিল। স্বামী কাৰাগাৰত থকাৰ পাছতো তেওঁলোকে নিজৰ অৰ্থৰ সহায়ত চেৰ’গেছিৰ জৰিয়তে নিজৰ পৰিয়ালটো সম্প্ৰসাৰণ কৰি আহিছে।দ্য ছানৰ ফেবুলাছ মেগাজিনৰ সৈতে হোৱা এক সাক্ষাৎকাৰত তেওঁ প্ৰকাশ কৰে যে ২০২০ চনৰ মাৰ্চৰ পৰা ২০২১ চনৰ জুলাইৰ ভিতৰত তেওঁলোকে প্ৰায় ১.৪ কোটি টকা চেৰ’গেছিৰ বাবে ব্যয় কৰিছিল। এটা সময়ত তেওঁলোকৰ ঘৰত একেলগে কাম কৰা ১৬ গৰাকী ধাত্ৰী আছিল,আৰু তেওঁলোকৰ মুঠ দৰমহা আছিল ৬৮ লাখ টকা৷
