ডিজিটেল ডেস্কঃ ছলমান খান আৰু ভাগ্যশ্ৰীৰ ব্লকবাষ্টাৰ চিনেমা ‘মেইনে প্যাৰ কিয়া’ আজিও মানুহে চাই ভাল পায়। মুখ্য অভিনেতা হিচাপে এইখনেই আছিল ছলমান খানৰ প্ৰথমখন ছবি। সূৰজ বৰজাত্যৰ পৰিচালনাত নিৰ্মিত এই চিনেমাখনে ১৯৮৯ চনত মুক্তি পায় ৷ এই ছবিখন ৮০ৰ দশকৰ সৰ্বাধিক উপাৰ্জনকাৰী ছবিও আছিল।
প্ৰেমৰ চৰিত্ৰত ছলমান খান আৰু সুমনৰ চৰিত্ৰত ভাগ্যশ্ৰীৰ অভিনয়ে মানুহৰ হৃদয় মোহিত কৰিছিল। এই ছবিখনে ছলমান খানৰ কেৰিয়াৰক নতুন উচ্চতালৈ লৈ যোৱাৰ প্ৰথম পদক্ষেপ হিচাপে প্ৰমাণিত হ’ল। একে সময়তে এইবাৰ ছবিখনে মুক্তিৰ ৩৫ বছৰ সম্পূৰ্ণ কৰিব। এই উপলক্ষে নিৰ্মাতাসকলে অনুৰাগীৰ বাবে এক বিশেষ ঘোষণা কৰিছে।
ৰাজশ্ৰী ফিল্মছে ছ’চিয়েল মিডিয়াত জনাইছে যে ‘মেইনে প্যাৰ কিয়া’ চিনেমাখন পুনৰ ছবিগৃহত মুক্তি পাব। ছলমান খান আৰু ভাগ্যশ্ৰীৰ বন্ধুত্ব আৰু প্ৰেমেৰে সজ্জিত এই ছবিখন ২৩ আগষ্টত পুনৰ মুক্তি পাব। অৱশ্যে ইয়াত এটা ‘টুইষ্ট’ আছে।
অনুৰাগীসকলে দাবী জনাইছে যে ‘হম আপকে হেয় কৌন’ আৰু সূৰজ বৰজাত্যৰ পৰিচালিত ‘হম সাথ সাথ হে’ও পুনৰ মুক্তি দিব লাগে। এই দুয়োখন চিনেমাতে ছলমান খান মুখ্য অভিনেতা আছিল আৰু এই ছবিবোৰৰ বক্স অফিচৰ ৰেকৰ্ডো আছিল আচৰিত।
Continue Reading
