ডিজিটেল ডেস্ক: ১৯৮৯ চনত ‘ফৌজী’ ধাৰাবাহিকৰ জৰিয়তে ছবি জগতলৈ খোজ দিয়ে শ্বাহৰুখ খানে ৷ ধাৰাবাহিকখনত মুখ্য চৰিত্ৰত অভিনয় কৰি তেওঁ ভাৰতৰ প্ৰতিঘৰতে নিজৰ নাম উজ্বলাইছিল। এতিয়া ৩৫ বছৰৰ পাছত পুনৰ টিভিলৈ উভতি আহিছে ‘ফৌজী’ৰ ছিকুৱেল লৈ। ইয়াৰ নাম ৰখা হৈছে ‘ফৌজী ২’।এই সন্দৰ্ভত মঙলবাৰে ঘোষণা কৰা হয় । আনকি ‘ফৌজী ২’ৰ তাৰকা অভিনেতা-অভিনেত্ৰীৰ তথ্যও পোহৰলৈ আহিছে। এই ধাৰাবাহিকটোত কোনে মুখ্য চৰিত্ৰত অভিনয় কৰিব সেয়াও প্ৰকাশ পাইছে ।
শ্বাহৰুখ খানৰ ‘ফৌজী’ (১৯৮৯) পৰিচালনা কৰিছিল লেফটেনেণ্ট কৰ্ণেল ৰাজ কুমাৰ কাপুৰে। এইখন ধাৰাবাহিকে শ্বাহৰুখ খানক সমগ্ৰ বিশ্বতে বিখ্যাত কৰি তুলিছিল। ট্ৰেড বিশ্লেষক তৰণ আদৰ্শে নিজৰ ইনষ্টাগ্ৰামত এটা পোষ্ট শ্বেয়াৰ কৰি ‘ফৌজী ২’ শ্ব’টোৰ বিষয়ে সম্পূৰ্ণ তথ্য দিছে। প্ৰযোজক সন্দীপ সিঙে এই অনুষ্ঠানৰ বাবে দূৰদৰ্শন চেনেলৰ সৈতে আলোচনাত বহিছে। টিভি অভিনেত্ৰী অংকিতা লোখাণ্ডেৰ স্বামী বিকি জৈনক দেখা যাব ‘ফৌজী ২’ ধাৰাবাহিকখনত।
‘ফৌজী ২’ৱে নতুন এটা অধ্যায় লৈ ঘূৰি আহিছে। এই ধাৰাবাহিকৰ প্ৰযোজক সন্দীপ সিং আৰু ইয়াৰ পৰিচালনাৰ দায়িত্ব লৈছে অভিনৱ পাৰিকে। বিকি জৈনৰ উপৰিও গৌহৰ খান, আশীষ ভৰদ্বাজ, উৎকৰ্ষ কোহলী, ৰুদ্ৰ ছোনী, অমৰদ্বীপ ফোগাট, আয়ান মঞ্চন্দ, সুবংশ ধৰ, প্ৰিয়ংশু ৰাজগুৰু, অমন সিং দীপ, উদিত কাপুৰ, মানসী আৰু সুষমিতা ভাণ্ডাৰীৰ দৰে তাৰকাক দেখা যাব। দূৰদৰ্শনত প্ৰিমিয়াৰ হ’ব ‘ফৌজী ২’ । বিকি জৈন ‘ফৌজী ২’ৰ মুখ্য নায়কেই নহয় ইয়াৰ সহ-প্ৰযোজক।
উল্লেখযোগ্য যে আশীৰ দশকত দূৰদৰ্শনত ‘ফৌজী’ প্ৰচাৰ হৈছিল। ইয়াৰ কাহিনী নতুনকৈ নিযুক্তিপ্ৰাপ্তসকলৰ ওপৰত যিয়ে ভাৰতীয় সেনাবাহিনীত নিজৰ স্থান দখল কৰে। ফৌজী ছবিত অভিমন্যু ৰায়ৰ চৰিত্ৰত অভিনয় কৰিছিল শ্বাহৰুখ খানে। উল্লেখ্য যে তেওঁৰ ভূমিকা ভাৰতীয় সেনাৰ বম্বে চেপাৰ্ছৰ লেফটেনেণ্ট কৰ্ণেল সঞ্জয় বেনাৰ্জীৰ পৰা অনুপ্ৰাণিত। এই ধাৰাবাহিকখন বিপুল হিট বুলি প্ৰমাণিত হ’ল আৰু আজিও অনুৰাগীয়ে ইয়াক চাবলৈ অধীৰ আগ্ৰহেৰে বাট চাই আছে ।
Continue Reading
