তামিলনাডুত পদপিষ্ট হৈ ৩৫জনৰ মৃত্যু, ৰাজনীতিক-অভিনেতা বিজয়ৰ জনসভাত অঘটন

ডিজিটেল ডেস্ক : তামিলনাডুৰ কাৰুৰত শনিবাৰে তামিলাগা বেটট্ৰী কঝগম (টি ভি কে)ৰ মুৰব্বী তথা তামিল চিনেমাৰ জনপ্রিয় অভিনেতা বিজয়ৰ জনসভাৰ সময়ত হোৱা হেঁচা-ঠেলাত শিশু-মহিলাকে ধৰি ৩৫জন লোকৰ মৃত্যু হয়।

নিহত সকলৰ ভিতৰত ৬টা শিশু আৰু ১৬ গৰাকী মহিলা আছে। জনসভাখনত মানুহৰ ভিৰ অত্যধিক হোৱাত কেইবাজনো লোক অচেতন হৈ পৰে। পাছত উক্ত লোক সক লক চিকিৎসালয়ত ভর্তি কৰা হয়। 

আনহাতে ডি এম কেৰ প্ৰাক্তন মন্ত্ৰী ছেন্থিল বালাজী আৰু জিলা উপায়ুক্তই পাছত চিকিৎসালয়লৈ গৈ পৰিস্থিতিৰ বুজ লয়। বাতৰি মতে লাহে লাহে ভিৰ বেছি হোৱাত হেঁচা-ঠেলাত কেইবাজনো দলীয় কর্মী আৰু শিশু মূর্ছা যায়। বিজয়ে তেওঁৰ ভাষণ আধাতে সামৰি উপস্থিত লোকসকলক শান্ত হ'বলৈ আৰু এম্বুলেন্সৰ বাবে বাট উলিয়াই দিবলৈ অনুৰোধ জনায়। ইফালে কেইবাজনো লোকক চিকিৎসালয়ত ভৰ্তি কৰাৰ পাছত ভিৰ কমাবলৈ কাৰৰত আৰক্ষীয়ে লাঠীচালনা কৰে। সভাত পানীৰ বটল বিতৰণ কৰা হয় আৰু তৎক্ষণাৎ চিকিৎসাৰ দল মোতায়েন কৰা হয়। 

এই সভাত এগৰাকী ৯ বছৰীয়া ছোৱালী সন্ধানহীনো হয়। বিজয়ে ভাষণৰ সময়ত পৰোক্ষভাৱে ডি এম কেৰ প্ৰাক্তন মন্ত্রী ছেন্থিল বালাজীক সমালোচনা কৰোঁতেই এই ঘটনা ঘটে। আজিৰ সভাখন আছিল ২০২৬ চনৰ নিৰ্বাচনৰ আগতে ৰাজ্যজুৰি অনুষ্ঠিত কৰা প্ৰচাৰ অভিযানৰ অংশ। তামিলনাডুৰ এই শোকাবহ ঘটনাত লোকসকলৰ মৃত্যু হোৱাৰ বাবে প্ৰধানমন্ত্ৰী মোডীয়ে গভীৰ শোক প্ৰকাশ কৰিছে।

উৎসঃ দৈনিক জনমভূমি