গাজাৰ পৰিকল্পনাত পাকিস্তানৰ ইউ টাৰ্ণ! ১০০% সমৰ্থনৰ দাবী কৰিছিল ট্ৰাম্পে

ডিজিটেল ডেস্ক : শেহতীয়াকৈ মাৰ্কিন ৰাষ্ট্ৰপতি ড’নাল্ড ট্ৰাম্পে গাজাত শান্তি প্ৰতিষ্ঠাৰ বাবে প্ৰস্তাৱ প্ৰকাশ কৰিছিল, যাক পাকিস্তানে সমৰ্থন কৰিছিল। গাজাৰ পৰিকল্পনাত পাকিস্তানে আমেৰিকাক ১০০% সমৰ্থন কৰিব বুলিও ট্ৰাম্পে দাবী কৰে। 

ট্ৰাম্পৰ সৈতে শ্বাহবাজ শ্বৰীফে তেওঁৰ পৰিকল্পনাক ন্যায্যতা প্ৰদান কৰিছিল যদিও পাকিস্তানী জনসাধাৰণে তেওঁৰ সিদ্ধান্তৰ বিৰোধিতা কৰিছে। ৰাজহুৱা বিৰোধিতাৰ সন্মুখীন হৈ শ্বাহবাজ চৰকাৰে এতিয়া ট্ৰাম্পৰ প্ৰস্তাৱৰ ওপৰত ইউ টাৰ্ণ লোৱা যেন দেখা গৈছে।

'২০ পইণ্ট শান্তিৰ প্ৰস্তাৱ আমেৰিকাৰ নথি'

পাকিস্তানৰ সংবাদ ৱেবছাইট ডনৰ এক প্ৰতিবেদন অনুসৰি বৈদেশিক মন্ত্ৰী ইছহাক দাৰে ট্ৰাম্পৰ ২০ দফীয়া শান্তি প্ৰস্তাৱৰ পৰা পাকিস্তানক আঁতৰাই ৰাখিছিল আৰু ইয়াক আমেৰিকাৰ নথি বুলি অভিহিত কৰিছে। ইফালে, ট্ৰাম্পে দাবী কৰে যে পাকিস্তানৰ প্ৰধানমন্ত্ৰী শ্বাহবাজ শ্বৰীফ আৰু সেনা প্ৰধান আছিম মুনিৰে এই শান্তি চুক্তিৰ পক্ষত আছে।

ট্ৰাম্পৰ প্ৰস্তাৱ সন্দৰ্ভত ইছহাক দাৰে কয় যে, "এয়া আমি প্ৰেৰণ কৰা নথি নহয়। এই প্ৰস্তাৱত বহু কথা আছে যিবোৰ আমি অন্তৰ্ভুক্ত কৰিব বিচাৰো। যদি সেইবোৰ অন্তৰ্ভুক্ত নহয় তেন্তে সেইবোৰ অন্তৰ্ভুক্ত কৰা হ'ব।" গাজাত যুদ্ধবিৰতিৰ বাবে ট্ৰাম্পৰ নতুন প্ৰস্তাৱক ভাৰত, চীন, ৰাছিয়াকে ধৰি আঠখন আৰব আৰু মুছলমান সংখ্যাগৰিষ্ঠ দেশে প্ৰশংসা কৰিছে। এই দেশসমূহৰ ভিতৰত পাকিস্তানে এতিয়া এই বিষয়ত ইউ টাৰ্ণ কৰা যেন লাগে।

শ্বাহবাজ আৰু মুনিৰৰ পৰা সমৰ্থন লাভ কৰিছিল ট্ৰাম্পে

এই বিষয়ত আলোচনাত জড়িত “অতি সক্ৰিয়” বিশ্ব নেতাসকলৰ ভিতৰত ট্ৰাম্পে শ্বৰীফ আৰু অসীম মুনিৰক অন্তৰ্ভুক্ত কৰে। ট্ৰাম্পে কয়, "মই উল্লেখ কৰা বেছিভাগ মানুহ আমাৰ লগত আছিল। বাকীসকলে ফোনত বা পিছদিনা লগ হৈছিল।" পাকিস্তানৰ প্ৰধানমন্ত্ৰী আৰু ফিল্ড মাৰ্শ্বাল আৰম্ভণিৰে পৰাই আমাৰ লগত আছিল, ই অবিশ্বাস্য।”

ইছাক দাৰে কয় যে ট্ৰাম্পৰ পৰিকল্পনাত টেকন’ক্ৰেটৰ নেতৃত্বত এখন স্বতন্ত্ৰ পেলেষ্টাইন চৰকাৰ গঠন কৰা হৈছে, যাৰ তদাৰক হৈছে বেছিভাগ পেলেষ্টাইনীৰে গঠিত আন্তঃৰাষ্ট্ৰীয় সংস্থা। গাজালৈ পাকিস্তানী সৈন্য প্ৰেৰণৰ সন্দৰ্ভত তেওঁ কয় যে এই সিদ্ধান্ত শীৰ্ষ নেতৃত্বই ল’ব।

প্ৰধানমন্ত্ৰী নৰেন্দ্ৰ মোদীয়ে দিল্লীৰ ড° আম্বেদকাৰ আন্তঃৰাষ্ট্ৰীয় কেন্দ্ৰত ৰাষ্ট্ৰীয় স্বয়ংসেৱক সংঘ (আৰএছএছ)ৰ শতবাৰ্ষিকী উদযাপনত অংশগ্ৰহণ কৰিব । পুৱা ১০:৩০ বজাৰ পৰা আৰম্ভ হ'ব এই অনুষ্ঠান। এই উপলক্ষে প্ৰধানমন্ত্ৰীয়ে বিশেষভাৱে ডিজাইন কৰা স্মৃতিচাৰণ ডাক টিকট আৰু মুদ্ৰা মুকলি কৰিব, য'ত আৰ এছ এছৰ ৰাষ্ট্ৰলৈ আগবঢ়োৱা অৱদানৰ ওপৰত আলোকপাত কৰা হ'ব। এইবাৰ বিজয়দশমীৰ পৰা ২০২৬ চনত বিজয়দশমীলৈকে শতবাৰ্ষিকী উদযাপন কৰিছে আৰ এছ এছে।

প্ৰধানমন্ত্ৰীৰ কাৰ্যালয়ে প্ৰকাশ কৰা এক বিবৃতি অনুসৰি প্ৰধানমন্ত্ৰী মোদীয়ে সভাত ভাষণো দিব। ১৯২৫ চনত মহাৰাষ্ট্ৰৰ নাগপুৰত ড০ কেশৱ বলিৰাম হেডগেৱাৰে স্বেচ্ছাসেৱী ভিত্তিক সংগঠন হিচাপে আৰ এছ এছ প্ৰতিষ্ঠা কৰিছিল।

ইয়াৰ লক্ষ্য হৈছে নাগৰিকৰ মাজত সাংস্কৃতিক সজাগতা, অনুশাসন, সেৱা, আৰু সামাজিক দায়বদ্ধতা বৃদ্ধি কৰা। শতবাৰ্ষিকী উদযাপনত আৰ এছ এছৰ ঐতিহাসিক সাফল্যক সন্মান জনোৱাই নহয়, ভাৰতৰ সাংস্কৃতিক যাত্ৰাত ইয়াৰ স্থায়ী অৱদান আৰু ৰাষ্ট্ৰীয় ঐক্যৰ বাৰ্তাকো উজ্জ্বল কৰি তোলা হৈছে। আৰ এছ এছ হৈছে ৰাষ্ট্ৰীয় পুনৰ্গঠনৰ বাবে এক অনন্য, জনসাধাৰণৰ পুঁজিৰে চলি থকা আন্দোলন।