ট্রাম্পৰ শুল্ক যুদ্ধৰ পাছতে মোদীয়ে পুটিনলৈ ফ'ন কৰিছিল, নাটোৰ মুৰব্বীৰ দাবী

ডিজিটেল ডেস্ক : ভাৰতে ৰাছিয়াৰ তেল ক্ৰয় কৰাক লৈ নাটোৰ দেশসমূহৰ প্রতিক্রিয়া অব্যাহত আছে। নাটোৰ সচিব প্রধান মাৰ্ক ৰুটে কয় যে ৰাছিয়াৰ তেল ক্ৰয় কৰাৰ বাবে ভাৰতৰ বিৰুদ্ধে মার্কিন ৰা ষ্ট্ৰপতি ড'নাল্ড ট্রাম্পে আৰোপ কৰা শুল্কই মস্কোৰ ওপৰত অধিক প্ৰভাৱ পেলাইছে।

ৰুটে দাবী কৰে যে ভাৰতীয় সামগ্ৰীৰ ওপৰত শুল্ক আৰোপ কৰাৰ পাছতেই ভাৰতৰ প্ৰধানমন্ত্ৰী নৰেন্দ্ৰ মোদীয়ে ৰুছ ৰাষ্ট্ৰপতি পুটিনক ফ'ন কৰি ইউক্রেইনৰ বিষয়ত ৰাছিয়াৰ কৌশল সন্দর্ভত ব্যাখ্যা কৰিবলৈ আহ্বান জনাইছিল। 

ভাৰতৰ ওপৰত আৰোপ কৰা শুল্কই মস্কোৰ ওপৰত তাৎক্ষণিকভাৱে প্ৰভাৱ পেলাইছিল বুলি ৰুটে দাবী কৰে। ৰুটে দাবী কৰা মতে, মোদীয়ে পুটিনক কৈছিল, 'মই আপোনাক সমর্থন কৰোঁ। আমেৰিকাই ভাৰতৰ ওপৰত ৫০% শুল্ক আৰোপ কৰিছে, সেই বাবে আপুনি ব্যাখ্যা কৰিবনে, আপুনি ইউক্রেইনৰ বিষয়ত কি ৰণ-কৌশল লৈছে।' ৰুটে ৰাষ্ট্ৰসংঘৰ সাধাৰণ সভাৰ মাজতে নিউয়র্কত এই মন্তব্য কৰে। 

ইফালে, নাটোৰ মুৰব্বীজনৰ দাবীক শুকুৰবাৰে ভাৰতে খণ্ডন কৰিছে। ভাৰতৰ বৈদেশিক পৰিক্ৰমা মন্ত্রালয়ে এটা বিবৃতিযোগে কয় যে নাটোৰ মুৰব্বীজনৰ দাবী তথ্যগতভাৱে অসত্য আৰু সম্পূর্ণ ভিত্তিহীন। ভৱিষ্যতে এনেধৰণৰ মন্তব্য নকৰিবলৈ নাটোৰ মুৰব্বীজনক ভাৰতে সকীয়াই দিয়ে। এই বিষয়টোক লৈ প্রাধনমন্ত্রী মোদীয়ে কোনো কাৰণতে ৰাষ্ট্ৰপতি পুটিনৰ সৈতে কথা পতা নাই বুলি ভাৰতে স্পষ্ট কৰি দিয়ে।

উৎসঃ দৈনিক জনমভূমি