ডিজিটেল ডেস্কঃ পেট্ৰ’লজাত ইন্ধনৰ মূল্যবৃদ্ধিৰ সময়তে এক স্পৰ্শকাতৰ মন্তব্য কৰিছে কেন্দ্রীয় মন্ত্রী নীতিন গাডকাৰীয়ে। নীতিন গাডকাৰীয়ে অতি আত্মবিশ্বাসেৰে কয় যে, ভাৰতীয় গাড়ীক ৫ বছৰৰ পাছত আৰু প্রয়োজন নহ’ব পেট্র’লৰ৷ তেওঁ কয়, ‘সেউজ ইন্ধনৰ যুগ আহি আছে। গাড়ী আৰু স্কুটাৰত প্ৰয়োজন হ’ব গ্ৰীণ হাইড্ৰ’জেন, ইথানল ফ্লেক্স ইন্ধন, চি এন জি, এল এন জি।’
অলপতে নীতিন গাডকাৰীয়ে পঞ্জাবৰাও দেশমুখ কৃষি বিদ্যাপীঠৰ পৰা ডিগ্ৰী লাভ কৰিছে। তাতেই অনুষ্ঠিত বঁটা প্ৰদান অনুষ্ঠানত এই বিষয়ে মন্তব্য কৰে গড়কাপ্তানি আৰু পৰিবহণ মন্ত্ৰীগৰাকীয়ে।
নীতিন গাডকাৰীয়ে কৃষি গৱেষক আৰু বিশেষজ্ঞসকলক এক বিশেষ অনুৰোধ জনায় যে, তেওঁলোকে আগন্তুক ৫ বছৰত কৃষিজাত সামগ্ৰীৰ বৃদ্ধিৰ বিষয়ে অধিক চিন্তা কৰিব লাগে। এই নতুন যুৃগৰ গৱেষণা-জ্ঞান কৃষকসকলক প্ৰদান কৰিব লাগে বুলিও অৱগত কৰে তেওঁ। এই প্ৰসংগত গড়কাপ্তানি আৰু পৰিবহণ মন্ত্ৰীগৰাকীয়ে মহাৰাষ্ট্ৰৰ কৃষকসকলৰ প্ৰশংসাত পঞ্চমুখ হৈ পৰে। তেওঁ মহাৰাষ্ট্ৰৰ কৃষকসকলক ‘প্ৰতিভাৱান’ বুলি অভিহিত কৰে।
Continue Reading
