ডিজিটেল ডেস্কঃ শেহতীয়াকৈ এগৰাকী ৭৫ বছৰীয়া ভিয়েটনামী মহিলাৰ এই দাবী ইণ্টাৰনেটত বিয়পিবলৈ আৰম্ভ কৰিছে। মহিলাগৰাকীয়ে দাবী কৰে যে ৫০ বছৰ ধৰি তেওঁ শীতল পানীয় আৰু পানীৰ বাহিৰে একোৱেই খোৱা নাছিল।
বুই টি লয় নামৰ মহিলাগৰাকীয়ে ৫০ বছৰ ধৰি খাদ্য খোৱা নাছিল। অৱশ্যে চেহেৰাত সেয়া বুজিব নোৱাৰি। বুইয়ে কয় যে এই ঘটনা ১৯৬৩ চনৰ পৰা আৰম্ভ হৈছিল।
মহিলাগৰাকীয়ে ক’লে, “১৯৬৩ চনত যুদ্ধৰ সময়ত মই আন মহিলাসকলৰ সৈতে পাহাৰত উঠি সৈনিকসকলৰ চিকিৎসা কৰিছিলো। পাহাৰ বগাই যোৱাৰ লগে লগে বজ্ৰপাত আৰম্ভ হ’ল। আৰু তাৰ বাবেই মই অচেতন হৈ পৰিলোঁ। দীৰ্ঘদিন বৰষুণৰ বাবে আমি পাহাৰত আবদ্ধ হৈ পৰিলোঁ। জ্ঞান ঘূৰাই পোৱাৰ পিছতো সেই অভিজ্ঞতাৰ পৰা ওলাই আহিব পৰা নাছিলো। চেতনা ঘূৰাই পোৱাৰ পিছত মই একো খাব পৰা নাছিলো। তাৰ পিছত মোৰ বন্ধুসকলে মোক মিঠা পানীয় খুৱাবলৈ ধৰিলে।''
কিছুদিনৰ পাছত তেওঁ ফল-মূল খাবলৈ ধৰিলে যদিও বুজি পালে ক’ৰবাত এটা সমস্যা আছে। ১৯৭০ চনৰ পৰা তেওঁ খাদ্য খোৱা একেবাৰে বন্ধ কৰি দিলে। মহিলাগৰাকীৰ ফ্ৰীজত মাত্ৰ বটলৰ লাইন আছে। মহিলাগৰাকীয়ে দাবী কৰিছে যে খাদ্যৰ গোন্ধ পালে বমি হয়।
বুইৰ ল'ৰা-ছোৱালীবোৰ এতিয়া পঢ়াৰ কাৰণে বাহিৰত থাকে। সেয়েহে তেওঁৰ পাকঘৰত ধূলিৰ তৰপটো জমা হ’ল। তেওঁ পাকঘৰ ব্যৱহাৰ নকৰে। শীতল পানীয়ত চেনি থাকে, যাৰ পৰা মহিলাৰ শৰীৰে শক্তি লাভ কৰে।
Continue Reading
