ডিজিটেল ডেস্কঃ 'বিশ্বৰ আটাইতকৈ বয়সীয়াল ব্যক্তি' জোচে প'লিনো গোমেছৰ মৃত্যু হৈছে। মৃত্যুৰ সময়ত তেওঁৰ বয়স আছিল ১২৭ বছৰ। শুকুৰবাৰে নিশা মিনাছ গেৰাইছৰ পেড্ৰা বনিটাত থকা নিজৰ ঘৰত মৃত্যু হয় ব্ৰাজিলৰ বাসিন্দা জোচে। নিউয়ৰ্ক পোষ্টৰ প্ৰতিবেদন অনুসৰি হো আছিল “বিশ্বৰ আটাইতকৈ বয়সীয়াল ব্যক্তি”। এসপ্তাহৰ পিছত তেওঁৰ বয়স ১২৮ বছৰ হ’লহেঁতেন।
মৃত্যুৰ সময়ত তেওঁ ৭ গৰাকী সন্তান, ২৫ গৰাকী নাতি, ৪২ গৰাকী নাতি আৰু ১১ গৰাকী পৰিনাতিক এৰি থৈ যায়। পৰিয়ালৰ মতে জোচে সাধাৰণতে খেতি আৰু পশুপালনৰ কামত নিয়োজিত আছিল। মাজে মাজে মদ খাই ভাল পাইছিল। দীৰ্ঘদিন ধৰি বয়সজনিত অসুখত ভুগি থকা বুলি পৰিয়ালৰ লোকে জানিবলৈ দিয়ে। শুকুৰবাৰে তেওঁৰ শৰীৰৰ বিভিন্ন অংগ বিকল হ’বলৈ ধৰে। নিশা তেওঁৰ মৃত্যু হয়। শনিবাৰে সমাধিস্থ কৰা হয়।
হোজৰ বিবাহ পঞ্জীয়নৰ প্ৰমাণ পত্ৰ অনুসৰি তেওঁৰ জন্ম হৈছিল ১৮৯৫ চনত। অৰ্থাৎ তেওঁ দুটা বিশ্বযুদ্ধৰ সাক্ষী হৈছিল। নিউয়ৰ্ক পোষ্টৰ প্ৰতিবেদন অনুসৰি বুক হোজৰ নাম গিনিজ বুক অৱ ৰেকৰ্ডছত প্ৰকাশ পাব নে নাই সেয়া এতিয়াও নিশ্চিত কৰা সম্ভৱ হোৱা নাই।
‘গিনিজ ৱৰ্ল্ড ৰেকৰ্ডছ’ৰ তথ্য অনুসৰি ১১৬ বছৰীয়া মাৰিয়া ব্ৰানিয়াছ ম’ৰ হৈছে ‘বিশ্বৰ আটাইতকৈ বয়সীয়াল জীৱিত ব্যক্তি’। ১৯০৭ চনৰ ৪ মাৰ্চত ম’ৰৰ জন্ম হৈছিল। ভেনিজুৱেলাৰ জুয়ান ভিচেণ্টে পেৰেজক ‘বিশ্বৰ আটাইতকৈ বয়সীয়াল জীৱিত মানুহ’ হিচাপে ঘোষণা কৰা হৈছে। তেওঁৰ বয়স ১১৪ বছৰ।
Continue Reading
