ডিজিটেল ডেস্কঃ পাকিস্তানৰ পেছাৱৰৰ সমীপত সংঘটিত হৈছে এটা ভয়াৱহ বিস্ফোৰণ। উত্তৰ-পশ্চিম পাকিস্তানৰ এটা উগ্ৰ ইছলামিক দলৰ ৰাজনৈতিক সমাৱেশত দেওবাৰে বোমা বিস্ফোৰণ হয়। জানিব পৰা মতে, কমেও ৩৯ জন লোক নিহত হোৱাৰ লগতে কেইবা ডজন লোক আহত হয়।
আফগানিস্তানৰ সীমান্তৰ সমীপৰ খাৰ চহৰত জমিয়ত উলেমা-ই-ই-ইছলাম-এফ (জুই-এফ) দলক লক্ষ্য কৰি এই বিস্ফোৰণ সংঘটিত হয়। সেই সময়ত দলটোৰ ৪০০ৰো অধিক সদস্য আৰু সমৰ্থকে তম্বুৰ তলত সমবেত হৈছিল।
খাইবাৰ পাখতুনখোৱা প্ৰদেশৰ স্বাস্থ্যমন্ত্ৰী ৰিয়াজ আনোৱাৰে এএফপিক জনোৱা মতে চিকিৎসালয়ত ৩৯টা মৃতদেহ, ১২৩ জন আহত লোক আছে, যাৰ ভিতৰত ১৭ জন ৰোগী গুৰুতৰ অৱস্থাত আছে।
ছ’চিয়েল মিডিয়াত ভাইৰেল হোৱা ছবিসমূহত দেখা গৈছে যে চাৰিওফালে মৃতদেহ আৰু তেজেৰে তিতি আছে। কোনো সংগঠনে এই আক্ৰমণৰ দায়িত্ব স্বীকাৰ কৰা নাই যদিও শেহতীয়াকৈ আইছিছ গোটৰ স্থানীয় গোটে JUI-F ৰ বিৰুদ্ধে আক্ৰমণ চলাইছিল।
জেহাদী গোটটোৱে JUI-F ৰ বিৰুদ্ধে ভণ্ডামিৰ অভিযোগ উত্থাপন কৰি আহিছে। দলটোৰ বিৰুদ্ধে তেওঁলোকে কয় যে ই চৰকাৰ আৰু সামৰিক বাহিনীক সমৰ্থন কৰা ধৰ্মীয় ইছলামিক গোট।
Continue Reading
