ডিজিটেল ডেস্কঃ ছ’চিয়েল মিডিয়াৰ ইনফ্লুৱেঞ্চাৰ ঝানা ছামছ’নোভাই দীৰ্ঘদিন ধৰি কেঁচা শাক-পাচলি আৰু ফল-মূল খাই জীৱন নিৰ্বাহ কৰিছিল। দিনৰ পিছত দিন নিৰামিষ খাদ্য গ্ৰহণ কৰি অৱশেষত ক্লান্তি আৰু পুষ্টিহীনতাৰ বাবে তেওঁৰ মৃত্যু হয়।
ৰাছিয়াত জন্ম হোৱা ঝানাই দক্ষিণ-পূব এছিয়াত কৰ্মসূত্ৰে আছিল। যোৱা পাঁচ বছৰ ধৰি তেওঁ ফলমূল, ফলৰ ৰস, অংকুৰিত সূৰ্য্যমুখীৰ গুটি খাই আহিছিল। কোনো ৰন্ধা খাদ্য খোৱা নাছিল। বন্ধু-বান্ধৱীৰ মতে যোৱা কেইমাহমানৰ পৰা তেওঁ খাদ্যাভ্যাসৰ ক্ষেত্ৰত অলপ কঠোৰ হ’বলৈ আৰম্ভ কৰিছিল।
ঝানাই মাতৃয়ে জনোৱা মতে, নিৰামিষ খাদ্যৰ বাবে ঝানাৰ শৰীৰ কলেৰাত আক্ৰান্ত হয়, আৰু তাৰ ফলত তেওঁৰ মৃত্যু হয়। ঝানাই ১২ বছৰ ধৰি নিৰামিষ খাদ্য গ্ৰহণ কৰিছিল, প্ৰথমতে খাদ্যৰ পৰা কেৱল মাছ, মাংস, গাখীৰ আৰু দুগ্ধজাত সামগ্ৰী বাদ দিছিল। কিন্তু কেইবছৰমানৰ পৰা ৰন্ধা খাদ্য খোৱাও বন্ধ কৰি দিলে, আনকি ফলৰ মাজতো তেওঁ সকলো ফল খোৱা বাদ দিলে। তেওঁৰ ইনষ্টাগ্ৰাম খুলিলে দেখা যায় যে তেওঁ আগতে সকলো ধৰণৰ ৰঙীন শাক-পাচলি কেঁচাকৈ খাইছিল।
Continue Reading
