’৯০ৰ ৱাকাৰ ইউনিছৰ বলটোৰ দৰেই…! পঞ্জাৱতো খুঁটি উফৰিল নৱজ্যোত্‍ সিদ্ধুৰ

ডিজিটেল ডেস্কঃ ভোট গণনাৰ বেলেন্স শ্বীটত প্ৰকাশ পোৱা ফলাফল অনুসৰি বিধানসভা নিৰ্বাচনত পৰাস্ত হৈছে সিদ্ধু। পাছে প্ৰাক্তন ভাৰতীয় ক্ৰিকেটাৰ নৱজ্যোত্‍ সিং সিদ্ধুই পঞ্জাৱৰ বিধানসভা নিৰ্বাচনৰ পূৰ্বে পৰাজিত হৈছিল বুলি মত সাধাৰণ জনতাৰ। সিদ্ধুৰ এই পৰাজয় অমৃতসৰ-পূৱ বিধানসভা সমষ্টিৰ ভোটাৰসকলৰ জনাদেশত নহয়। কংগ্ৰেছ হাইকমাণ্ডৰ 'আদালত'তে বুলি প্ৰকাশ পাইছে! কাৰণ, নিৰ্বাচনৰ পূৰ্বে, কংগ্ৰেছৰ শীৰ্ষ নেতৃত্বই ঘোষণা কৰিছিল যে, তেওঁ বৰ্তমানৰ বাবে পঞ্জাৱৰ মুখ্যমন্ত্ৰী হ'ব নোৱাৰে। যদি সিদ্ধু বিজয়ী হয় বা ৰাজ্যখন একেৰাহে দ্বিতীয়বাৰৰ বাবে শাসনলৈ আহে, তেন্তে চৰণজিৎ সিং চান্নীয়ে পুনৰ চণ্ডীগড়ৰ আসন শুৱনি কৰিব বুলি স্পষ্টকৈ কৈছিল হাইকমাণ্ডে। মুখ্য প্ৰতিদ্বন্দী আম আদমী পাৰ্টীয়ে (আপ) ভগৱন্ত মানক মুখ্যমন্ত্ৰী পদৰ বাবে বাছনি কৰিছিল। ফলস্বৰূপে, যদিও তেওঁ বিধানসভা নিৰ্বাচনত প্ৰতিদ্বন্দিতা কৰিবলৈ মনোনয়ন পত্ৰ দাখিল কৰিছিল। তথাপি, প্ৰাক্তন ক্ৰিকেটাৰজনৰ সমৰ্থকসকলে ভোটদানৰ পূৰ্বে বুজি পাইছিল যে ৰাজ্যিক কংগ্ৰেছৰ সভাপতি পদটোৱেই একমাত্ৰ বিকল্প। সিদ্ধুৰ মনত আক্ষেপ ৰৈ যোৱাটো স্বাভাৱিক। ২০১৬ চনত বিজেপি ত্যাগ কৰাৰ পাছত তেওঁক দলৰ প্ৰতিষ্ঠাপক-মুৰব্বী অৰবিন্দ কেজৰিবালে আপত যোগদান কৰিবলৈ আমন্ত্ৰণ জনাইছিল। ২০১৭ চনৰ বিধানসভা নিৰ্বাচনত মুখ্যমন্ত্ৰী পদৰ প্ৰাৰ্থী হিচাপেও তেওঁৰ নাম ঘোষণা কৰাৰ প্ৰতিশ্ৰুতি দিছিল। অৱশেষত, সিদ্ধুৱে কংগ্ৰেছত যোগদান কৰিছিল। অমৃতসৰ-পূব বিধানসভা আসনৰ পৰা নিৰ্বাচনত জয়ী হোৱাৰ পিছত অমৰেন্দ্ৰ সিং নেতৃত্বাধীন চৰকাৰৰ মন্ত্ৰীয়ো হৈছিল সিদ্ধু। কিন্তু কেপ্টেইনৰ বিৰুদ্ধে বিবাদত লিপ্ত হোৱা সিদ্ধুই মন্ত্ৰীত্বৰ কাৰ্যকালো দীঘলীয়া নহ’ল। শাসনভাৰ গ্ৰহণৰ আঢ়ৈ বছৰ পাছতে মন্ত্ৰীপদ ত্যাগ কৰিছিল সিদ্ধুৱে। অৱশ্যে, কেপ্টেইনৰ সৈতে সিদ্ধুৰ শত্ৰুতা আঢ়ৈ দশক বহু পুৰণি। ১৯৯৬ চনত ভাৰতীয় ক্ৰিকেট দলৰ ইংলেণ্ড ভ্ৰমণৰ সময়ত তেওঁ মহম্মদ আজহাৰুদ্দিনৰ বিৰুদ্ধে বিদ্ৰোহ কৰে আৰু খেল এৰি মাজভাগত ঘৰমুৱা হৈছিল। তাৰপাছতে ক্ৰমান্বয়ে সিদ্ধুৰ ক্ৰিকেট কেৰিয়াৰৰ সূৰ্য স্তিমিত হ’বলৈ ধৰে। সিদ্ধুৰ স্থানত ভাৰতীয় ক্ৰিকেট দলত এজন নতুন তাৰকাৰ অভ্যুত্থান ঘটিছিল। তেওঁ আছিল – সৌৰভ গাংগুলী। ক্ৰিকেট এৰি দিয়াৰ পাছত, সিদ্ধুৱে প্ৰথমতে নিজকে কমেণ্ট্ৰী আৰু টিভি শ্ব'ট নিজকে ব্যস্ত ৰাখিছিল। ২০০৪ চনৰ লোকসভা নিৰ্বাচনৰ পূৰ্বে বিজেপিত যোগদান কৰি অমৃতসৰৰ পৰা জয়ী হৈছিল সিদ্ধু। পাছে এক অপৰাধমূলক গোচৰৰ বাবে তেওঁ সাংসদ পদ ত্যাগ কৰে। পুনৰ ২০০৭ চনত উপ-নিৰ্বাচনত জয়ী হোৱাই নহয় সিদ্ধুৱে ২০০৯ চনৰ লোকসভা নিৰ্বাচনত বিজেপিৰ পৰাই নিৰ্বাচনত প্ৰতিদ্বন্দিতা আগবঢ়াইছিল আৰু অমৃতসৰত তেওঁৰ জয়ৰ ধাৰা অব্যাহত ৰাখিছিল। সকলো ঠিকে চলি আছিল। কিন্তু ২০১৪ চনৰ লোকসভা নিৰ্বাচনৰ পূৰ্বে সিদ্ধুৰ জীৱনলৈ নামি আহিছিল ঘোৰ অমানিশা। বিজেপিৰ শীৰ্ষ নেতৃত্বই সিদ্ধুৰ পৰিৱৰ্তে অৰুণ জেটলীক অমৃতসৰৰ টিকট দিছিল।এয়া সিদ্ধুৰ প্ৰতি দলীয় কৰ্মকৰ্তাৰ আস্থআৰ অভাৱ নে আন কিবা সেয়া অজ্ঞাত! সিদ্ধুৱে ২০১৬ চনৰ ছেপ্টেম্বৰত বিজেপি ত্যাগ কৰিছিল। অৱশ্যে, বিজেপিয়ে তেওঁক ধৰি ৰাখিবলৈ আপ্ৰাণ চেষ্টা কৰিছিল। বিজেপিয়ে সিদ্ধুক অমৃতসৰৰ পৰা টিকট নিদিয়াৰ বাবে 'ক্ষতিপূৰণ' হিচাপে ৰাজ্যসভাৰ মনোনীত সাংসদ বুলি ঘোষণা কৰিছিল। কিন্তু বিজেপি ত্যাগ কৰাৰ লগতে সিদ্ধুৱে সাংসদৰ পদৰ পৰাও পদত্যাগ কৰে। আৰু 'আৱাজ-ই-পাঞ্জাৱ' নামৰ এখন নতুন ৰাজনৈতিক মঞ্চৰ জন্ম দিছিল অনিৰুদ্ধ সিদ্ধুই। এইবাৰ, অমৃতসৰ-পূব আসনখন আৰম্ভণিৰে পৰা সিদ্ধুৰ বাবে হৈ পৰিছিল বৃহত্‍ প্ৰত্যাহ্বান। কঠিন পিটছত তিস্তিব নোৱাৰিলে সিদ্ধুৱে। নিৰ্বাচনত জয়ী হ’লে সিদ্ধুৱে 'ড্ৰাগছ ব্যৱসায়ী মাজহেথিয়া'ক কাৰাগাৰত সোমোৱাৰ প্ৰতিশ্ৰুতি দিছিল। প্ৰতিশ্ৰুতি দিছিল দুৰ্নীতিমুক্ত চৰকাৰৰ। অৱশ্যে, কংগ্ৰেছ হাইকমাণ্ডে ইতিমধ্যে পঞ্জাৱৰ জনসাধাৰণক স্পষ্ট কৰি দিছিল যে, তেওঁ চৰকাৰৰ দায়িত্বত নাথাকিব। ৰাজ্যিক কংগ্ৰেছৰ সভাপতি হিচাপে সিদ্ধুৱেও এইবাৰ ৰাজ্যৰ বিভিন্ন প্ৰান্তত প্ৰচাৰ চলাব লগা হৈছিল। তেওঁৰ অনুপস্থিতিত, তেওঁ তেওঁৰ পত্নী আৰু প্ৰাক্তন বিধায়ক নৱজ্যোত্‍ কৌৰ আৰু ফেশ্বন ডিজাইনাৰ কন্যা ৰাবিয়াক এৰি থৈ গৈছে। কিন্তু শেষত, সিদ্ধুৱে তেওঁৰ জীৱনৰ প্ৰথম নিৰ্বাচনী পৰাজয় এৰাই চলিব নোৱাৰিলে।