ডিজিটেল ডেস্কঃ ২০২১ চনৰ নৱেম্বৰ মাহত ভাৰতত ভাৰতৰ বিৰুদ্ধে টেষ্ট খেলত অভিষেক ঘটোৱাৰ সময়ত প্ৰথমবাৰৰ বাবে নাম শুনা গৈছিল ৰচিন ৰবিন্দ্ৰৰ। এতিয়া নিউজিলেণ্ডৰ হৈ বিশ্বকাপত অভিষেক ঘটাবলৈ সক্ষম হৈছে।
২০২৩ চনৰ বিশ্বকাপ আহমেদাবাদত অনুষ্ঠিত হোৱা প্ৰথমখন মেচত ইংলেণ্ডৰ বিৰুদ্ধে ৩ নং স্থানত খেলা ৰবীন্দ্ৰই মাত্ৰ ৯৬ বলত ১২৩ কৰি চমক সৃষ্টি কৰিছে। তদুপৰি বলিঙেৰেও সফলতা অৰ্জন কৰে তেওঁ। লাভ কৰে হেৰী ব্ৰুকৰ উইকেট।
ৰবীন্দ্ৰৰ জন্ম হৈছিল নিউজিলেণ্ডৰ ৱেলিংটনত ভাৰতীয় পিতৃ-মাতৃ ৰবি কৃষ্ণমূৰ্তি আৰু দীপা কৃষ্ণমূৰ্তিৰ ঘৰত। ছফটৱেৰ চিষ্টেম আৰ্কিটেক্ট আৰু হাট হকছ ক্লাব প্ৰতিষ্ঠা কৰা ৰবিয়ে নব্বৈৰ দশকত বেংগালুৰুৰ পৰা নিউজিলেণ্ডলৈ স্থানান্তৰিত হৈছিল আৰু ক্ৰিকেটৰ বিশাল অনুৰাগী আছিল। ৰাহুল দ্ৰাবিড়ৰ ‘ৰা’ আৰু ভাৰতৰ দুজন শ্ৰেষ্ঠ বেটছমেন শচীন টেণ্ডুলকাৰৰ ‘চিন’ লৈ তেওঁ পুত্ৰৰ নাম ৰাখিছিল।
নিউজিলেণ্ডৰ ১৯ বছৰ অনুৰ্ধ দলত নিৰ্বাচিত হোৱাৰ সময়তে প্ৰথমবাৰৰ বাবে ক্ৰিকেট জগতলৈ আহিছিল ৰবীন্দ্ৰ। ২০১৬ আৰু ২০১৮ চনত ৰবীন্দ্ৰই ১৯ বছৰ অনুৰ্ধ বিশ্বকাপ খেলিছিল। নিউজিলেণ্ডত ঘৰুৱা ক্ৰিকেটত এজন আৰু সকলোকে আপ্লুত কৰিছিল ৰবীন্দ্ৰই আৰু অৱশেষত ২০২১ চনত টি-২০ত নিজৰ দেশৰ হৈ অভিষেক ঘটায়।
Continue Reading
