ডিজিটেল ডেস্কঃ ফিফাই প্ৰথমবাৰৰ বাবে নতুন ৰূপত ফুটবল বিশ্বকাপৰ আয়োজন কৰিবলৈ ওলাইছে। ২০৩০ চনত ছখন দেশে ফুটবল বিশ্বকাপৰ আয়োজনৰ দায়িত্ব লাভ কৰিছিল। মুঠ তিনিখন মহাদেশত হ’ব ফুটবল বিশ্বকাপ। উত্তৰ গোলাৰ্ধ আৰু দক্ষিণ গোলাৰ্ধই একেলগে বিশ্বকাপ আয়োজন কৰিব। ফলত দেশসমূহে দুটা বেলেগ বেলেগ ছিজনত খেলিবলগীয়া হ’ব৷
মৰক্কো, স্পেইন আৰু পৰ্তুগালক এই দায়িত্ব দিয়া হৈছে। কিন্তু আগতীয়া কিছুমান মেচ হ’ব উৰুগুৱে, আৰ্জেণ্টিনা আৰু পেৰাগুৱেত।
উল্লেখ্য যে ১৯৩০ চনত প্ৰথম ফুটবল বিশ্বকাপ অনুষ্ঠিত হয়। ১০০ বছৰ আগতে উৰুগুৱেত অনুষ্ঠিত হৈছিল বিশ্বকাপ। সেইবাবেই ফিফাই ২০৩০ চনত উৰুগুৱেত বিশ্বকাপৰ খেলখন আয়োজন কৰাৰ সিদ্ধান্ত লৈছে। ১৯৩০ চনত আৰ্জেণ্টিনাক পৰাস্ত কৰি উৰুগুৱেই বিশ্বকাপ জয় কৰে। সেই কাৰণেই ২০৩০ চনত মেছিৰ দেশৰ বিশ্বকাপৰ মেচও হ’ব।
ফিফাৰ সভাপতি জিয়ানি ইনফান্টিনোৱে কয়- ‘‘ফিফা আৰু ফুটবলে বিভক্ত পৃথিৱীত ঐক্য আনিব বিচাৰে। সেইবাবেই দক্ষিণ আমেৰিকাৰ তিনিখন দেশত ফুটবল বিশ্বকাপৰ খেল অনুষ্ঠিত হ’ব। বিশ্বকাপৰ প্ৰথম তিনিখন মেচ উৰুগুৱেৰ ষ্টেডিয়ামত অনুষ্ঠিত হ’ব।’’
দক্ষিণ আমেৰিকাৰ বাহিৰেও উত্তৰ আফ্ৰিকাৰ মৰক্কোক বিশ্বকাপ আয়োজনৰ দায়িত্ব দিয়া হৈছে। ইয়াৰ লগতে ইউৰোপৰ স্পেইন আৰু পৰ্তুগালকো দায়িত্ব দিয়া হৈছে। অৰ্থাৎ ২০৩০ চনত দুটা গোলাৰ্ধ, তিনিখন মহাদেশ আৰু ছখন দেশত ফুটবল বিশ্বকাপ অনুষ্ঠিত হ’ব।
Continue Reading
