নিয়ন্ত্রণ হ'ব পাকিস্তানলৈ পানীৰ সোঁত, ভাৰতৰ পাছত আফগানিস্তানৰ নদীকেন্দ্রিক সিদ্ধান্ত

ডিজিটেল ডেস্ক : পাকিস্তানলৈ বৈ যোৱা নদীৰ সোঁত নিয়ন্ত্ৰণ কৰাৰ তথা উক্ত নদীত বান্ধ নিৰ্মাণ কৰাৰ পৰিকল্পনাৰ কথা তালিবান শাসিত আফগানিস্তানে ঘোষণা কৰিছে। 

দেশখনৰ তথ্য মন্ত্ৰ্যালয়ে বৃহস্পতিবাৰে এই কথা জনায়। কুনাৰ নদীত বান্ধ নিৰ্মাণৰ কাম ত্বৰান্বিত কৰিবলৈ নিৰ্দেশ দিছে তালিবানৰ শীর্ষ নেতা মাৱলাৱী হিবাতুল্লা আখুন্দজাদাই। 

মন্ত্ৰ্যালয়ৰ মতে, আখুন্দজাদাই জল আৰু শক্তি ম্যালয়ক উক্ত প্ৰকল্পৰ কাম তাৎক্ষণিকভাৱে আৰম্ভ কৰিবলৈ তথা দেশীয় কোম্পানীক কামৰ ঠিকা দিবলৈ নির্দেশ দিছে। উপ-তথ্য মন্ত্ৰী মুহাজেৰ ফাৰাহীয়ে সামাজিক মাধ্যম এক্সৰ প'ষ্টত কয়, 'বিদেশী কোম্পানীলৈ অপেক্ষা কৰি থকাতকৈ আফগান কোম্পানীক চুক্তিবদ্ধ কৰাবলৈ শীর্ষ নেতাজনে নির্দেশ দিছে।' 

উল্লেখযোগ্য যে ভাৰতৰ পহলগামত যোৱা ২২ এপ্রিলত পাকিস্তানস্থিত সন্ত্রাসবাদীয়ে ২৬ অসামৰিক লোকক হত্যা কৰাৰ পাছত ভাৰতে সিন্ধু জল চুক্তি স্থগিত ৰখাৰ সিদ্ধান্তৰ প্ৰতিধ্বনি ঘটিছে আফগানিস্তানৰ সিদ্ধান্তত। 

সিন্ধু জল চুক্তিৰ অধীনত পাকিস্তানে সিন্ধু, ঝিলাম আৰু চেনাব নদীৰ পানী পাই আছিল। ৪৮০ কিল'মিটাৰ দৈৰ্ঘ্যৰ কুনাৰ নদীখন ওলাইছে পাকিস্তান সীমান্তৰ সমীপৰ ব্ৰুঘিল পাছৰ ওচৰৰ হিন্দুকুশ পৰ্বতৰ পৰা। আফগানিস্তানৰ কুনাৰ আৰু নাংগাৰহাৰ প্রদেশেৰে দক্ষিণলৈ বৈ গৈ পাছত পাকিস্তানৰ খাইবাৰ পাখতুনখোৱাত ই প্ৰৱেশ কৰিছে। তাত ই জালালাবাদৰ সমীপত কাবুল নদীত লগ হৈছে। এই কাবুল নদীখন পাছত এতোকত সিন্ধু নদীৰ সৈতে লগ হৈছে। সেয়ে কুনাৰৰ পানী হ্রাস পালে পাকিস্তানত সিন্ধু নদীতো পানী হ্রাস পাব। এনে কাৰ্যই দেশখনৰ খাই বাৰ পাখতুনখোৱা আৰু পঞ্জাব প্রদেশত জলসিঞ্চন আৰু পানী যোগানত প্ৰভাৱ পেলাব।

উৎসঃ দৈনিক জনমভূমি