১৫ দিনৰ ভিতৰত বৰাক উপত্যকাত মুখ্যমন্ত্ৰী মহিলা উদ্যমিতা আঁচনিৰ অধীনত চেক বিতৰণৰ কাম সম্পূৰ্ণ হ'ব : মুখ্যমন্ত্ৰী

ডিজিটেল ডেস্কঃ আজি মুখ্যমন্ত্ৰী ড. হিমন্ত বিশ্ব শৰ্মা কাছাৰ জিলাৰ ধলাই বিধানসভা সমষ্টিৰ বৰজালেংগা পাইওনিয়ৰ সংঘ পথাৰত 'মুখ্যমন্ত্ৰী মহিলা উদ্যমিতা অভিযান'ৰ অধীনত প্ৰায় ২০,০৯৯ গৰাকী হিতাধিকাৰীৰ মাজত চেক বিতৰণ কৰে। 

ইফালে, সাংবাদিকৰ আগত মুখ্যমন্ত্ৰীয়ে কয়, বৰাকত উদ্যোগী সৃষ্টিৰ বাবে অতি শীঘ্ৰে এখন বিনিয়োগ সন্মিলন অনুষ্ঠিত হ’ব। আনহাতে, ১৫ দিনৰ ভিতৰত বৰাক উপত্যকাৰ সকলো হিতাধিকাৰীৰ মাজত মুখ্যমন্ত্ৰী মহিলা উদ্যমিতা আঁচনিৰ অধীনত চেক বিতৰণৰ কাম সম্পূৰ্ণ হ'ব। 

মুখ্যমন্ত্রীয়ে প্রস্তাৱিত শিলচৰ উৰণীয়া সেতুখনে পৰ্যাপ্ত জনসমর্থন লাভ কৰিলেহে নির্মাণ কৰা হ’ব বুলি মন্তব্য কৰে ৷ লগতে উৰণীয়া সেতুৰ বিৰোধীতা অব্যাহত থাকিলে এই প্ৰকল্পটো অনিশ্চিত হৈ পৰিব পাৰে বুলিও তেওঁ কয়।