সমগ্ৰ গাজা দখলৰ পৰিকল্পনা নাই ইজৰাইলৰ

ডিজিটেল ডেস্ক : গাজাৰ পেলেষ্টাইনী অধিকৃত অঞ্চল দখল কৰিবলৈ ইজৰাইলে ইয়াৰ সামৰিক অভিযান বৃদ্ধি কৰিব, কিন্তু সমগ্র গাজা দখল কৰাৰ পৰিকল্পনা ইজৰাইলৰ নাই।

ইজৰাইলৰ প্ৰধানমন্ত্ৰী বেঞ্জামিন নেটান্যাহুৱে ভাৰতীয় সংবাদ মাধ্যম এন ডি টিভিক এই কথা প্রকাশ কৰে। প্ৰধানমন্ত্ৰী নেটান্যাহুৱে কয় যে সমগ্র গাজা দখলৰ পৰিৱৰ্তে ইজৰাইলে গাজাৰ ভিতৰত সুৰক্ষাৰ এক নতুন বেষ্টনী স্থাপন কৰাৰ পৰিকল্পনা কৰিছে।

এন ডি টিভিৰ সাংবাদিকে গাজাত ইজৰাইলৰ সামৰিক অভিযান বৃদ্ধি কৰিলে গাজাত অধিক লোকৰ মৃত্যু হোৱাৰ সম্ভাৱনাৰ বিষয়ত কৰা প্ৰশ্নৰ উত্তৰত প্ৰধানমন্ত্ৰী নেটান্যাহুৱে কয় যে গাজাৰ পৰা হামাছক নির্মূল কৰাৰ বাবেহে ইজৰাইলে লক্ষ্য নির্ধাৰণ কৰিছে আৰু পণবন্দীসকলক ঘূৰাই অনাৰ ক্ষেত্রত ইজৰাইলে কাৰ্য সম্পাদন কৰি আছে।

প্রধানমন্ত্রী নেটান্যাহুৱে কয় যে নির্ধাৰিত লক্ষ্যত উপনীত হোৱাৰ পাছত গাজাৰ শাসনভাৰ এখন হ্রস্বম্যাদী কর্তৃপক্ষক অর্পণ কৰা হ'ব। আনহাতে, ভৱিষ্যতৰ আগ্রাসন ৰোধ কৰিবলৈ গাজাত নতুন সুৰক্ষা বেষ্টনী স্থাপনৰ পৰিকল্পনা কৰিছে বুলি নেটান্যাহুৱে কয়। নেটান্যাহুৱে কয় যে যদি হামাছে অস্ত্ৰ সম্বৰণ কৰি আত্মসমর্পণ কৰে, তেনেহ'লে গাজাত তাৎক্ষণিকভাবে যুদ্ধৰ অন্ত পেলাৱা হ'ব।

উৎসঃ দৈনিক জনমভূমি