লামডিং ইন্ডিয়ান বেংকৰ গ্ৰাহকৰ সৈতে প্ৰতাৰণাৰ ঘটনা

ডিজিটেল ডেস্ক: লামডিংত দিন-দুপৰতে ইন্ডিয়ান বেংকৰ এজন গ্ৰাহকৰ সৈতে সংঘটিত হৈছে প্ৰতাৰণাৰ ঘটনা। লামডিংত দুষ্ঠ চক্ৰৰ চকু এতিয়া বেংকৰ গ্রাহকৰ ওপৰতো পৰিছে। 

আজি ইন্ডিয়ান বেংকৰ লামডিং শাখাত কানু দে নামৰ এজন গ্ৰাহকে নিজৰ একাউণ্টত ৭০ হাজাৰ টকা জমা কৰিবলৈ বেংকলৈ আহিছিল। কিন্তু তেওঁ নিজে বেংকৰ ফৰ্ম লিখিব নোৱাৰি,বেংকৰ ভিতৰতে ঘূৰি ফুৰা দুজন অচিনাক্ত ব্যক্তিক সহায় বিচাৰিছিল , যাক সন্দেহজনকভাৱে প্রতাৰক দল বুলি ধাৰণা কৰা হৈছে, কানু দেক সহায়ৰ বাহানাৰে বেংকৰ বাহিৰলৈ লৈ যায় দুই অচিনাক্ত ব্যক্তিয়ে ।

বেংকৰ বাহিৰত ব্যক্তিদ্বয়ে কানু দেৰ পৰা ৭০ হাজাৰ টকা লৈ উধাও হৈ যায়। তেওঁলোকে কানু দেৰ পৰা ৭০হাজাৰ টকা লৈ দুই লাখ টকাৰ ডুপ্লিকেট বাণ্ডিল আগবঢ়াই অলপমান সময়ৰ পিছত আকৌ আহিম বুলি কৈ পলাই যায়। ঘটনাটো উপলব্ধি হোৱাৰ পাছত কানু দে আৰু তেওঁৰ পত্নীয়ে লামডিং থানাত তেওঁলোকৰ বিৰুদ্ধে এজাহাৰ দাখিল কৰে। ইতিমধ্যে এই ঘটনাক লৈ লামডিংত তীব্ৰ চাঞ্চল্যৰ সৃষ্টি কৰিছে।