ডিজিটেল ডেস্ক : পাকিস্তানৰ পাছত এইবাৰ তুৰস্কক বাংলাদেশৰ অন্তৰ্ৱৰ্তী চৰকাৰৰ মুৰব্বী মহম্মদ ইউনুছে 'জয়ৰ কৌশল' শীর্ষক এখন গ্রন্থ উপহাৰ দিয়ে। তুৰস্কৰ সাংসদৰ এটা দলক এই গ্রন্থখন ঢাকা ভ্ৰমণৰ সময়ত উপহাৰ দিয়ে ইউনুছে।
ভাৰতৰ অসমসহ উত্তৰ-পূৰ্বাঞ্চলক সামৰি এখন বৃহত্তৰ বাংলাদেশ হিচাপে গ্ৰন্থখনৰ বেটুপাতত অংকন কৰি দেশখনৰ ভৱিষ্যতৰ কৌশলগত দৃষ্টিভংগী প্ৰকাশ কৰা হৈছে। কেইদিনমানৰ পূৰ্বে একেখন গ্রন্থকে পাকিস্তানৰ সামৰিক বাহিনীৰ এজন কমাণ্ডাৰক ইউনুছে উপহাৰ দিছিল। বাংলাদেশৰ দুই মিত্র দেশক এই গ্রন্থখন ইউনুছে উপহাৰ দিয়াটোৱে যথেষ্ট তাৎপর্য বহন কৰিছে।
বিশেষকৈ ভাৰতৰ অসমসহ উত্তৰ-পূৰ্বাঞ্চলক বাংলাদেশৰ অধীনলৈ অনাৰ যি ষড়যন্ত্র দেশখনৰ চৰকাৰে কৰি আছে, এই দুটা ঘটনা পৰা বাংলাদেশৰ অভিসন্ধি পুনৰ পোহৰলৈ আহিছে। ভাৰতীয় চোৰাংচোৱাৰ সূত্ৰই প্ৰকাশ কৰা মতে, বাংলাদেশে ইয়াৰ জৰিয়তে ভাৰতক এটা বার্তা দিছে যে দেশখনে ইছলামিক নেটৱৰ্কৰ জৰিয়তে ভাৰতৰ উত্তৰ-পূৰ্বাঞ্চলক নিজৰ অধীনলৈ নিয়াৰ পৰিকল্পনা কৰি আছে।
উৎসঃ দৈনিক জনমভূমি
Continue Reading
