আমেৰিকাৰ ডালাছত ভাৰতীয় দন্ত চিকিৎসকক গুলীয়াই হত্যা

ডিজিটেল ডেস্কঃ আমেৰিকাৰ ডালাছত এজন ভাৰতীয় শিক্ষার্থী দন্ত চিকিৎসকক গুলীয়াই হত্য কৰাৰ বাতৰি পোহৰলৈ আহিছে। হায়দৰবাদৰ ২৭ বছৰীয়া চন্দ্ৰশেখৰ পোলে নামৰ চিকিৎসা বিজ্ঞানৰ ভাৰতীয় ছাত্রজনে ডেণ্টেল ছাৰ্জাৰীত স্নাতক ডিগ্রী লাভ কৰি উচ্চ শিক্ষাৰ বাবে আমেৰিকাৰ ডালাছলৈ গৈছিল।

হত্যাকাণ্ড সংঘটিত হোৱাৰ সময়ত তেওঁ এটা গেছ ষ্টেছনত অংশকালীন কর্মী হিচাপে কাম কৰি আছিল। গেছ ষ্টেছনটোত কৰ্মৰত হৈ থকা সয়মতে এজন অচিনাক্ত বন্দুকধাৰীয়ে তেওঁক গুলীয়াই হত্যা কৰে। ২০২৩ চনত তেওঁ আমেৰিকালৈ গৈছিল আৰু ছমাহ পূর্বে তেওঁ ডেন্টেল ছাৰ্জাৰীত স্নাতকোত্তৰ ডিগ্রী লাভকৰিছিল আৰু সংস্থাপনৰ সন্ধানত আছিল।

কিন্তু এই সময়তে তেওঁ গেছ ষ্টেছনটোত অংশকালীন হিচাপে কাম কৰি আছিল। ইফালে, হায়দৰাবাদস্থিত চন্দ্ৰশেখৰৰ পৰিয়ালে স্থানীয় বিধায়কৰ সহযোগত মৃতদেহটো ভাৰতলৈ অনাৰ প্ৰক্ৰিয়া আৰম্ভ কৰিছে। ডালাছ আৰক্ষীয়ে ইতিমধ্যে এই বিষয়ত তদন্ত আৰম্ভ কৰিছে।

উৎস: দৈনিক জনমভূমি