দেশৰ স্বতন্ত্র সংস্থাসমূহ ধ্বংস কৰিছে প্রধানমন্ত্রী মোদীয়েঃ কৰ্ণাটকৰ মুখ্যমন্ত্রী সিদ্ধাৰামায়া

ডিজিটেল ডেস্ক : নৰেন্দ্ৰ মোদী প্ৰধানমন্ত্ৰী হোৱাৰ পাছত তেওঁ দেশৰ সকলো সাংবিধানিক আৰু স্বতন্ত্র সংস্থাসমূহ ধ্বংস কৰিছে। এই অভিযোগ উত্থাপন কৰিছে কৰ্ণাটকৰ মুখ্যমন্ত্রী সিদ্ধাৰামায়াই। কেন্দ্রীয় চৰকাৰৰ অধীনস্থ কৰি নিৰ্বাচন আয়োগকো ধ্বংস কৰিছে বুলি মুখ্যমন্ত্রীজনে ক্ষোভ প্রকাশ কৰে। 

মুখ্যমন্ত্ৰীজনে দাবী কৰে যে বিজেপিয়ে ইতিমধ্যে প্ৰমাণ কৰিছে, তেওঁলোক 'ভোট চুৰি'ত বিশেষজ্ঞ। 'ভোট চুৰি' কৰি বিজেপিয়ে কেন্দ্ৰৰ লগতে বিভিন্ন ৰাজ্যত ক্ষমতা দখল কৰিছে বুলি সিদ্ধাৰামায়াই অভিযোগ কৰে। 'ভোট চুৰি'ৰ বিৰুদ্ধে সমগ্র দেশত কংগ্ৰেছে চলোৱা স্বাক্ষৰ অভিযানৰ অংশ হিচাপে কর্ণাটকত ১.১২ কোটি লোকে এই স্বাক্ষৰ অভিযানত অংশ লৈছে বুলি মুখ্যমন্ত্রীজনে ঘোষণা কৰে। 

সিদ্ধাৰামায়াই কয়, 'বিজেপিৰ বিশেষজ্ঞসকল মিছা কথা কোৱাত পাৰ্গত। 'ভোট চুৰি' তেওঁলোকৰ পেছা হৈ পৰিছে।' কংগ্ৰেছৰ নেতা ৰাহুল গান্ধীয়ে বিজেপিয়ে 'ভোেট চুৰি' তেওঁলোকৰ পেছা হৈ পৰিছে।' কংগ্ৰেছৰ নেতা ৰাহুল গান্ধীয়ে প্রমাণসহকাৰে মহাৰাষ্ট্ৰ, কৰ্ণাটক আৰু হাৰিয়ানাত বিজেপিয়ে 'ভোট চুৰি' কৰিছে বুলি ইতিমধ্যে প্রমাণ কৰি দিছে। নির্বাচন আয়োগেও বিজেপিৰ 'ভোট চুৰি'ৰ বিষয়ত অনুসন্ধান কৰাত ব্যৰ্থ হৈছে বুলি সিদ্ধাৰামায়াই কয়।

উৎসঃ দৈনিক জনমভূমি