অসমীয়া চলচ্চিত্ৰ উদ্যোগৰ প্ৰচাৰ আৰু প্ৰসাৰৰ অক্লান্ত কৰ্মী সমীৰ ৰয়ক সম্বৰ্ধনা মালামাল বয়জৰ

ডিজিটেল ডেস্ক : অসমীয়া চলচ্চিত্ৰৰ প্ৰচাৰ আৰু প্ৰসাৰতাৰ বাবে আজি কেইবা বছৰ ধৰি নিস্বাৰ্থভাৱে কাম কৰি আহিছে যোৰহাটৰ সমীৰ ৰয় নামৰ এজন যুৱকে৷

নিজা প্ৰচেষ্টা আৰু নিজা খৰছত প্ৰতিখন অসমীয়া চলচ্চিত্ৰ জনসাধাৰণৰ মাজত প্ৰচাৰ চলাই যি প্ৰেৰণা দিছে সেয়া আজিৰ সময়ত বিৰল৷

বৰ্তমান দৰ্শক শ্ৰোতাৰ সমাদৰ লাভ কৰা অসমীয়া চলচ্চিত্ৰ মালামাল বয়জ ৰ শিল্পী সকলে অসমীয়া চলচ্চিত্ৰ উদ্যোগৰ প্ৰচাৰ আৰু প্ৰসাৰৰ অক্লান্ত কৰ্মী সমীৰ ৰয়ক যোৰহাট আইনক্সত সম্বৰ্ধনা জ্ঞাপন কৰে৷

নিস্বাৰ্থভাৱে আৰু একাগ্ৰতাৰে আজি কেইবাবছৰৰ পৰা অসমীয়া চলচ্চিত্ৰৰ প্ৰচাৰ প্ৰসাৰ কৰি যোৱা বাবে পৰিচালক মৃণাল ডেকাসহ কেইবাগৰাকী ও শিল্পী উপস্থিত থাকি সমীৰ ৰয়ৰ একক প্ৰচেষ্টাৰ শ’লাগ লয় আৰু কয় যে অসমীয়া চলচ্চিত্ৰ প্ৰচাৰৰ ক্ষেত্ৰত সমীৰ ৰয় এক বাটকটীয়া প্ৰয়াস৷