আন্তঃৰাষ্ট্ৰীয় পৰ্যায়ত পুনৰ উজলিল ৰিম্পী বুঢ়াগোহাঁই ; নিজ গাঁৱত উষ্ম আদৰণি খেলুৱৈ গৰাকীক

ডিজিটেল ডেস্কঃ আন্তঃৰাষ্ট্ৰীয় পৰ্যায়ত তিনিটাকৈ সোণৰ পদক জয়লাভ কৰি আজি নিজ গাঁৱত উপস্থিত হোৱা ৰিম্পীক স্থানীয় ৰাইজ তথা দল সংগঠনে বাইক ৰেলি কৰি গাঁৱলৈ আদৰি অনাৰ লগতে সুদক্ষ খেলুৱৈ গৰাকীক উষ্ম আদৰণি জনায়।

আমেৰিকাৰ আলাবামা বাৰ্মিংহামত অনুষ্ঠিত হোৱা World Police & Fire Games 2025 ত বকতা পুনিবিলৰ আসাম ৰাইফলছত নাগালেণ্ডত কৰ্মৰত এথলীট ৰিম্পীয়ে তিনিটাকৈ স্বৰ্ণ পদক অৰ্জন কৰি অসমৰ লগতে অঞ্চলটোলৈ এই গৌৰৱ কঢ়িয়াই আনিবলৈ সক্ষম হয়। ৰিম্পীৰ এই সফলতাত উৎফুল্লিত পৰিয়ালবৰ্গ তথা গাঁৱবাসী ৰাইজ। 

আজি ডামচাও প্ৰেমানন্দ বুঢ়াগোহাঁই সমন্বয় ক্ষেত্ৰত ফুটবল প্ৰশিক্ষণ কেন্দ্ৰ বকতাৰ উদ্যোগত, পুনিবিল বাসীৰ অতিথ্যত তথা বকতাবাসীৰ সহযোগত তিনিটাকৈ স্বৰ্ণ পদক লাভ কৰা বিশ্বজয়ী এথলীট ৰিম্পী বুঢ়াগোহাঁইক উৎসাহিত কৰাৰ অৰ্থে ৰাজহুৱা সম্বৰ্ধনা অনুষ্ঠানৰো আয়োজন কৰা হয়।