২০১৬ চনৰ ৰাষ্ট্ৰপতীয় নিৰ্বাচনত ৰাছিয়াৰ সহায় লোৱাৰ অভিযোগ

ডিজিটেল ডেস্কঃ মার্কিন ৰাষ্ট্ৰপতি ড'নাল্ড ট্রাম্পে আমেৰিকাৰ প্ৰাক্তন ৰাষ্ট্ৰপতি বাৰাক ওবামাক মঙলবাৰে 'বিশ্বাসঘাতক' আখ্যা দিয়াৰ পাছত ওবামাই প্রতিক্রিয়া প্রকাশ কৰিছে বুধবাৰে।

উল্লেখযোগ্য যে ৰাষ্ট্ৰপতি ট্রাম্পে তেওঁৰ পূৰ্বসুৰী ওবামাৰ বিৰুদ্ধে অভিযোগ আনি কৈছিল যে ২০১৬ চনৰ নিৰ্বাচনত ৰাছিয়াৰ হস্তক্ষেপৰ বিষয়ৰ তথ্য অ'বামা প্রশাসনে হেৰফেৰ কৰিছিল। মার্কিন চোৰাংচোৱা সংস্থাৰ সঞ্চালক তুলসী গৱাৰ্ডে যোৱা সপ্তাহত ন্যায় বিভাগলৈ প্রেৰণ কৰা এখন প্রতিবেদনৰ বিষয়ে উল্লেখ কৰি ট্রাম্পে কয় যে সেই নিৰ্বাচনৰ সময়ত ওবামা প্রশাসনৰ বিষয়াসকল আমেৰিকাৰ বিৰুদ্ধে বিশ্বাসঘাতকতা কৰা এটা ষড়যন্ত্ৰৰ সৈতে লিপ্ত আছিল।

ৰাষ্ট্ৰপতি ট্রাম্পৰ এই অভিযোগৰ প্ৰতিক্রিয়া প্রকাশ কৰি বুধবাৰে ওবামাৰ মুখপাত্র পেট্রিক ৰ'ডেনবাশ্বে কয় যে জেফৰি এপিষ্টেইন গোচৰত ৰাষ্ট্ৰপতি ট্রাম্পৰ নাম সাঙোৰ খোৱাৰ পাছতেই ট্রাম্প প্রশাসনৰ সংকট আৰম্ভ হৈছে আৰু সেই বিষয়টোৰ পৰা জনসাধাৰণক আঁতৰাই অনাৰ বাবেই ট্রাম্প প্রশাসনে ওবামাৰ বিৰুদ্ধে এই অভিযোগ আনিছে।

এনেধৰণৰ বিভ্রান্তিমূলক অভিযোগৰ প্ৰতিক্রিয়া প্ৰকাশ কৰাটো ভয়ংকৰ কাৰ্য বুলি অভিহিত কৰে মুখপাত্রজনে। মুখপাত্রজনে কয় যে ২০১৬ চনৰ ৰাষ্ট্ৰপতীয় নির্বাচনত প্ৰভাৱ খটুৱাবলৈ ৰাছিয়াই প্রচেষ্টা কৰিছিল যদি দেশখনে কোনো ভোটাৰকে প্ৰভাৱান্বিত কৰিবলৈ সক্ষম নহ'ল।

উৎসঃ দৈনিক জনমভূমি