অসম বাণিজ্য উন্নয়ণ সংস্থাৰ উদ্যোগত যোৰহাট বাণিজ্য মেলা ২০২৫

ডিজিটেল ডেস্কঃ অসম চৰকাৰৰ উদ্যোগ, বাণিজ্য আৰু ৰাজহুৱা প্রতিষ্ঠান বিভাগৰ অন্তৰ্গত অসম বাণিজ্য উন্নয়ণ সংস্থাৰ উদ্যোগত যোৰহাট চহৰত জিলা ক্ৰীড়া সন্থাৰ খেল পথাৰত ১৭ দিনীয়া কাৰ্যসূচীৰে ২য় যোৰহাট বাণিজ্য মেলা'২০২৫ ৰ আয়োজন কৰা হৈছে।  

এই বাণিজ্য মেলাখন যোৱা ০১ ডিচেম্বৰ'২৫ ৰ পৰা আৰম্ভ হৈছে যদিও আনুষ্ঠানিকভাৱে ০৩ ডিচেম্বৰ'২০২৫ মেলাখনৰ শুভ উদ্বোধন কৰা হৈছে আৰু অহা ১৭ ডিচেম্বৰ'২০২৫ লৈকে মেলা খন চলি থাকিব। 

উল্লেখযোগ্য যে যোৰহাট বাণিজ্য মেলাত স্থানীয় উদ্যোগীৰ লগতে ভাৰতৰ বিভিন্ন প্ৰান্তৰ পৰা অহা যেনে জম্মু-কাশ্মীৰ, পাঞ্জাৱ, হাৰিয়ানা, দিল্লী, ৰাজস্থান, গুজৰাট, উত্তৰ প্ৰদেশ, কৰ্নাটক, মহাৰাষ্ট্ৰ, কলকাতা, কেৰালা আৰু মুম্বাইকে ধৰি ৮০ খন বিপনীয়ে অংশগ্ৰহণ কৰাৰ লগতে বিদেশী ৰাষ্ট্ৰ আফগানিস্তান, থাইলেণ্ড আদিৰ উদ্যোগ প্রতিষ্ঠানেও অংশগ্ৰহণ কৰিছে আৰু লগতে থলুৱা খাদ্য সম্ভাৰৰ ব্যৱস্থা কৰা হৈছে।