ডিজিটেল ডেস্ক: নগাঁৱৰ জুৰীয়াত ১৯ বছৰীয়া এজনী বিবাহিতা মহিলা নিৰুদ্দেশ হোৱাৰ ঘটনা সংঘটিত হৈছে। ঘটনা সন্দৰ্ভত জুৰীয়া আৰক্ষী থানাৰ কাষ চাপিছে ভুক্তভোগী পৰিয়াল।
জীয়ৰী নিৰুদ্দেশ হোৱা ঘটনাক লৈ হাহাকাৰ লাগিছে পিতৃ-মাতৃৰ। নিৰুদ্দিষ্ট মহিলাগৰাকী হৈছে জুৰীয়াৰ কলনিজলাহৰ মাৰুফা বেগম।
ঘটনা অনুসৰি যোৱা ৩০ নৱেম্বৰ তাৰিখে নিৰুদ্দিষ্ট মহিলাগৰাকী কলনিজলাহৰ পিতৃগৃহৰ পৰা ওলাই যায়।
তাৰপিছৰ পৰাই আজি পৰ্যন্ত মহিলাগৰাকীৰ কোনো সন্ধান লাভ কৰা নাই ভুক্তভোগী পৰিয়ালটোৱে।
নিজাববীয়াকৈ মহিলাগৰাকীক বিচাৰি পৰিয়ালটোৱে বহু অনুসন্ধান চলাইছে যদিও কোনো ধৰণৰ সন্ধান লাভ নকৰাত অৱশেষত কাষ চাপিছে সংবাদ মাধ্যমৰ লগতে জুৰীয়াৰ আৰক্ষীৰ।
উল্লেখযোগ্য যে দুমাহ আগতে একে গাঁৱৰে আজাহাৰ উদ্দিনৰ লগত বিবাহপাশত আবদ্ধ হৈছিল মাৰুফা বেগম।
বিয়াৰ দুমাহ পিছত নিৰুদ্দেশ হোৱাত চিন্তিত হৈ পৰিছে দুয়োটা পৰিয়ালৰ লোক। যদি কোনোবাই মাৰুফাৰ সন্ধান পায় তেন্তে 8876349487 এই নম্বৰত যোগাযোগ কৰিবলৈ অনুৰোধ জনাইছে পৰিয়ালৰ লোকে।
Continue Reading
