চীন-ৰাছিয়াৰ মিত্ৰজোঁটক ৰুধিবলৈ মার্কিন সেনাক সষ্টম হোৱাৰ নিৰ্দেশ, পেন্টাগনক সতর্ক হ'বলৈ ক'লে ৰাষ্ট্ৰপতি ট্রাম্পে

ডিজিটেল ডেস্ক : আমেৰিকাৰ ৰাষ্ট্ৰপতি ড'নাল্ড ট্রাম্পে ৰাছিয়া আৰু চীনক বাধা দিবৰ বাবে প্রস্তুতি শক্তিশালী কৰিবলৈ দেশখনৰ প্ৰতিৰক্ষা বিভাগক নির্দেশ দিছে। পেন্টাগনৰ মুৰব্বী পীট হেগছেথে এই কথা জনায়।

তেওঁ কয় যে আমেৰিকাই দুয়োখন দেশৰ সৈতে সংঘৰ্ষ নিবিচাৰে,‌কিন্তু শক্তিশালীভাৱে বাধা দিয়াৰ মেজাজ অটুট ৰাখিবলৈ বিচাৰে। 'ফক্স নিউজ'ৰ এটা সাক্ষাৎকাৰত হেগছেথে শেহতীয়াকৈ চীন, ৰাছিয়া আৰু উত্তৰ কোৰিয়াৰ নেতাসকলে অংশগ্রহণ কৰা বেইজিঙৰ সামৰিক পেৰেড আমেৰিকাৰ পূৰ্বৰ চৰকাৰৰ ক্রটীবোৰৰ ফল বুলি কয়।

তেওঁ কয়, 'দুর্ভাগ্যজনকভাৱে পূৰ্বৰ চৰকাৰৰ দুৰ্বলতাই ৰাছিয়া আৰু চীনক অধিক অন্তৰংগ কৰালে। আমেৰিকাৰ নেতৃত্বৰ দুৰ্বলতাৰ সেয়া এক বিষম ফল।' তেওঁ আৰু কয়, 'সেয়ে, ৰাষ্ট্ৰপতি ট্রাম্পে আমাৰ প্ৰতিৰক্ষা বিভাগক প্রস্তুত হ'বলৈ, ঐতিহাসিকভাৱে আমাৰ সামৰিক বাহিনীক পুনৰ গঠন কৰিবলৈ, যোদ্ধাৰ বৈশিষ্ট্য পুনৰ স্থাপন কৰিবলৈ আৰু পুনৰ বাধা দিবলৈ দায়িত্ব দিছে। আমি সংঘর্ষ বিচাৰোঁ বাবে অৱশ্যে নহয়, আমি সংঘর্ষ নিবিচাৰোঁ।' হেগছেথে কয় যে আমেৰিকাৰ প্ৰস্তুতিৰ প্ৰকৃতি হৈছে প্ৰতিৰক্ষামূলক। তেওঁ কয়, 'চীন, ৰাছিয়া বা আন দেশক আমি এই কথা স্পষ্ট কৰি দিছোঁ। এয়া এই কাৰণে কৰা হৈছে যে প্রস্তুতিয়ে সংঘর্ষক বাধা দিয়ে।'

হেগছেথে কয়, 'আমি জানো তেওঁলোকে কি বিশ্বাস কৰে আৰু তেওঁলোক কোন। আমি এই কথাও জানো যে আমি কিমান শক্তিশালী আৰু আমাৰ কি কি সামৰিক সুবিধা আছে। তেওঁলোকেও এই কথা জানে।' তেওঁ আৰু কয়, 'আমাৰ কাম হৈছে মহাকাশ, আকাশ, সমুদ্র, সমুদ্ৰৰ তলত দীর্ঘ দূৰত্বৰ অস্ত্ৰৰে আমাৰ এই সামৰিক সুবিধাবোৰ অব্যাহত ৰখা। আমাৰ সকলো সক্ষমতা, 'গ'ল্ডেন ড'ম' (চীনে জানে যে ইয়াৰ বিকল্প নাই)। আৰু আমি এইবোৰৰ ভিতৰতে কাম কৰিম।' হেগছেথে কয়, 'প্ৰদৰ্শন আৰু পেৰেডবোৰ ভাল, কিন্তু আমেৰিকাই আশা কৰে যে সেইবোৰে যেন প্রকৃত সামৰিক সংঘাত হৈ নপৰে।

উৎসঃ দৈনিক জনমভূমি