ডিজিটেল ডেস্ক : নির্বাচন আয়োগে ভোট গণনাৰ নিয়মৰ কিছু সালসলনি কৰিছে। বৃহস্পতিবাৰে আয়োগে এই কথা জনায়। এতিয়াৰ পৰা পোষ্টেল বেলটৰ গণনাত পলম হ'লে ই ভি এমৰ গণনা বন্ধ ৰখা হ'ব। তদুপৰি বেলট বেছি হ'লে কাউন্টিং টেবুলো বৃদ্ধি কৰা হ'ব।
দৰাচলতে ভোটগণনাৰ দিয়া গণনা পুৱা ৮ বজাত আৰম্ভ হয় আৰু ই ভি এমৰ গণনা ৮-৩০ বজাত আৰম্ভ হয়। কোনো কোনো ভোটগণনা কেন্দ্রত ই ভি এমৰ গণনা সোনকালেই শেষ হৈছিল, বেলটত সময় লাগিছিল।
এতিয়া নির্বাচন আয়োগৰ নতুন নিয়ম অনুসৰি বেলটৰ গণনা বাকী থাকিলে, ই ভি এমৰ শেষৰ আগৰ ৰাউণ্ডৰ গণনা বেলটৰ গণনা শেষ নোহোৱালৈকে ৰখাই দিয়া হ'ব। নির্বাচন আয়োগে বৃহস্পতিবাৰে এই জাননী জাৰি কৰে। এই নতুন নিয়ম আৰম্ভ হ'ব আগন্তুক বিহাৰৰ বিধানসভা নিৰ্বাচনৰ পৰা।
উৎসঃ দৈনিক জনমভূমি
Continue Reading
