বিদেশী ন্যায়ধিকৰণত চলি থকা গোচৰ প্ৰত্যাহাৰৰ দাবী

ডিজিটেল ডেস্কঃ অসমত বসবাস কৰা গোৰ্খা, কোচ ৰাজবংশী আৰু হিন্দু বাঙালীৰ বিদেশী ন্যায়ধিকৰণত চলি থকা গোচৰ গোৰ্খা আৰু কোচ ৰাজবংশীক প্ৰত্যাহাৰ কৰাৰ বিপৰীতে হিন্দু বাঙালীক এই গোচৰ প্ৰত্যাহাৰ নকৰাৰ প্ৰতিবাদত আজি ডুমডুমাত উত্তাল প্ৰতিবাদ সাব্যস্ত কৰে বাঙালী যুৱ-ছাত্ৰ ফেডাৰেচনে ।

ডুমডুমা চহৰৰ মাজমজিয়াত প্ৰতিবাদী সমদল বাহিৰ কৰাৰ লগতে বিভিন্ন শ্ল'গানৰে উত্তাল প্ৰতিবাদ সাব্যস্ত কৰে ।

বিদেশী ন্যায়ধিকৰণত চলি থকা গোচৰ প্ৰত্যাহাৰ কৰা, ডি ভোটাৰৰ নটিছ দিয়া বন্ধ কৰা, ডিটেনশ্যন কেম্পত আবদ্ধ হৈ থকা হিন্দু সকলক বিনাচৰ্তে মুক্তি দিয়া, হিন্দু বাঙালীক মাটি পট্টা প্ৰদান কৰা আৰু অসম চুক্তি অনুসৰি অসমত বাস কৰা হিন্দু বাঙালীক সম অধিকাৰ, সম মৰ্যদা প্ৰদান কৰাৰ দাবীত এই প্ৰতিবাদ।

সমাগত ২৬ৰ নিৰ্বাচনৰ আগত হিন্দু বাঙালী সকলৰ সমস্যাসমূহ সমাধান নকৰিলে বিজেপি চৰকাৰ তথা বিজেপি দলৰ বিৰুদ্ধে অৱস্থান কৰিব বুলি স্পষ্ট কৰি দিয়ে বাঙালী যুৱ-ছাত্ৰ ফেডাৰেচনৰ নেতৃত্বই ।