--°C
Loading...
Listen to Article
3 min read
80%

In Short

  • বিজ্ঞানী আৰু কৰ্মচাৰীক দৰমহা দিবৰ বাবেই এতিয়া চাহ গৱেষণা কেন্দ্ৰৰ আটকধুনীয়া সঞ্চালকৰ বঙলাটো ব্যৱসায়ীক লীজত দিবলৈ প্রস্তুতি চলাইছে।

ডিজিটেল ডেস্কঃ সমগ্ৰ পৃথিৱীৰ চাহ উদ্যোগটোক বাট দেখুওৱা, চাহৰ নতুন নতুন গৱেষণাৰে ইখনৰ পিছত সিখন দেশক চাহখেতি কৰিবলৈ শিকোৱা বিশ্বৰ প্ৰথমটো চাহ গৱেষণা কেন্দ্র টোকোলাই চাহ গৱেষণা কেন্দ্ৰ এতিয়া ইমানেই ভয়ংকৰ আৰ্থিক সংকটত পৰিছে যে বিজ্ঞানী আৰু কৰ্মচাৰীক দৰমহা দিবৰ বাবেই এতিয়া চাহ গৱেষণা কেন্দ্ৰৰ আটকধুনীয়া সঞ্চালকৰ বঙলাটো ব্যৱসায়ীক লীজত দিবলৈ প্রস্তুতি চলাইছে।


কেৱল সঞ্চালকৰ বঙলাটোৱেই নহয় বিশ্বৰ আটাইতকৈ পুৰণি চাহ গৱেষণা কেন্দ্ৰটোৰ শতবৰ্ষ গৰকা কেইবাটাও ঐতিহ্যপূর্ণ ভৱন ব্যৱসায়ীক লীজত দিয়াৰ প্ৰক্ৰিয়া আৰম্ভ হৈছে যাতে বিষয়া-কৰ্মচাৰীসকলক অন্ততঃ সময়মতে দৰমহাৰ টকাকেইটা আদায় দিব পৰা যায়। লাগিলে গৱেষণাই সাময়িকভাবে স্থগিত থাকক। অথচ এই টোকোলাই গবেষণা কেন্দটোৰ হাতত ধৰিয়েই কেনিয়া, শ্রীলংকা, বাংলাদেশ, নেপালকে ধৰি বহু দেশে চাহখেতি কৰিবলৈ শিকিছিল।


টোকোলাইত আহি এইবোৰ দেশৰ চাহ উদ্যোগী আৰু কৃষকে চাহৰ খুটি-নাটি শিকিছিল। জানিব পৰা মতে, কেৱল অসমৰে নহয় সমগ্ৰ ভাৰতৰে গৌৰৱ এই চাহ গৱেষণা কেন্দ্ৰটোৰ আর্থিক সংকটে ইমানেই ভয়ংকৰ ৰূপ ধাৰণ কৰিছে যে কিমান দিন এই কেন্দ্রটো চলি থাকিব সেই লৈও সন্দেহৰ সৃষ্টি হৈছে। টোকোলাই চাহ গৱেষণা কেন্দ্ৰৰ এক সূত্রই জানিবলৈ দিয়া মতে, বর্তমান সম্পূৰ্ণৰূপে অনিয়মীয়া হৈ পৰা দৰমহা আৰু গৱেষণা সমান্তৰালভাৱে চলাই নিবলৈ হ'লে বৃহৎ পৰিমাণৰ পুঁজিৰ প্ৰয়োজন হ'ব। বর্তমান ৪৮ কোটি টকাৰ ধাৰৰ বোজা মূৰত লৈ থকা কেন্দ্ৰটোৱে কেৱল বঙলা বা ভৱনকেইটা লীজত দি জোৰা মাৰিব যে পাৰিব সেয়া সন্দেহৰ বিষয়। এই প্ৰসংগতে উল্লেখযোগ্য যে টোকোলাই চাহ গৱেষণা কেন্দ্ৰলৈ ৪৯ শতাংশ ধন যোগান ধৰে কেন্দ্ৰীয় চৰকাৰৰ বাণিজ্য মন্ত্রালয়ে আৰু এই ধনৰাশি আবণ্টন দিয়া হয় টী বৰ্ডৰ জৰিয়তে। কিন্তু আটাইতকৈ ভয়ংকৰ কথা এয়ে যে চাহ গৱেষণা কেন্দ্ৰটোত থকা এটা অসম বিৰোধী চক্রই বাণিজ্য মন্ত্রালয়ে টোকোলাইলৈ আবণ্টন দিয়া ধন কলকাতালৈ 'ডাইভার্ট' কৰাৰ বিস্ফোৰক অভিযোগ উত্থাপিত হৈছে।


আনহাতে, গৱেষণা কেন্দ্রটোলৈ ৫১ শতাংশ পুঁজি আহে ইয়াৰ সদস্য চাহ বাগিচাসমূহৰ পৰা। জানিব পৰা মতে, ৮০০-ৰো অধিক সদস্য চাহ বাগিচা থকা টোকোলায়ে সদস্য বাগিচাসমূহৰ পৰাই পাবলৈ আছে ২২ কোটিৰো অধিক টকা। এনেদৰে বৃহৎ পৰিমাণৰ পুঁজি অনাদায় হৈ পৰি থকাৰ বাবেই বৰ্তমান ধনৰ অভাৱত গৱেষণা কেন্দ্ৰটোৰ অন্যতম মূল বিভাগ এগ্রি ইক'নমিক্‌ছ এণ্ড ষ্টেটিষ্টিক' বন্ধ কৰি দিব লগা হৈছে। সেইদৰে এগ্র'নমি বিভাগত নিযুক্তি দিব পৰা নাই এগ্র'নমিষ্ট।


যি টোকোলাই চাহ গৱেষণা কেন্দ্ৰত এসময়ত ২০০গৰাকী বিজ্ঞানীৰ নতুন নতুন চাহ সম্পর্কীয় গৱেষণাই বিশ্বক চমক খুৱাইছিল, টী কেণ্ডি, টী বাইন আদিৰ দৰে চাহৰ বাণিজ্যিকীকৰণত আগভাগ লৈছিল সেই টোকোলাইত এতিয়া আছে মাত্র ৪৬গৰাকী বিজ্ঞানী। অৰ্থৰ অভাৱত নিযুক্তি দিব পৰা নাইবিজ্ঞানী, কৰ্মচাৰী, প্রশাসনিক বিষয়া। ১৯১১ চনত প্রতিষ্ঠা হোৱা বিশ্বৰ এই প্ৰথম চাহ গবেষণা কেন্দ্রটো যদি আন কোনো দেশত থাকিলেহেঁতেন তেনেহ'লে সেই দেশে ইয়াক ঐতিহ্যৰ ক্ষেত্ৰ হিচাপে প্রতিষ্ঠা কৰিলেহেঁতেন। কিন্তু অসমত হোৱাৰ বাবেই এতিয়া ক্ষণ গণিছে মৃত্যুৰ।


উৎসঃ দৈনিক জনমভূমি



FOLLOW US F
POPULAR
FEATURE
TRENDY
পোষ্টেল বেলটৰ গণনা সমাপ্ত নকৰাকৈ ই ভি এমৰ গণনা শেষ কৰিব নোৱাৰিব
জুবিন গাৰ্গক 'ভাৰত ৰত্ন' প্ৰদানৰ আহ্বান জনাই প্রধানমন্ত্রীলৈ পত্র
'আদালতে পইন্ট টু পইন্ট প্রমাণ বিচাৰিব', এছ আই টিৰ ওপৰত ভৰসা ৰাখিবলৈ ৰাজ্যবাসীক আহ্বান মুখ্যমন্ত্ৰীৰ
তীর্থভূমিত পৰিণত জুবিন গাৰ্গৰ সমাধিক্ষেত্র, বৈ আছে অনুৰাগীৰ অবিৰত সোঁত
বজালীত জোঁৱাইয়েকৰ দাৰ ঘাপত আহত পত্নী আৰু শাহুৱেক
বাক্সাৰ ভাৰত-ভূটান সীমান্তত বনৰীয়া হাতীৰ ত্ৰাস
জুবিন গাৰ্গৰ শেষকৃত্য ক’ত কৰা হ’ব? দিয়া হ’ব নে চৰকাৰী বন্ধ? কি ক’লে মুখ্যমন্ত্ৰীয়ে?
বিদ্যালয়ৰ পৰীক্ষা অনুষ্ঠিত কৰিবলৈ লোৱাত প্ৰতিবাদত নামিল শিক্ষাৰ্থী
ছিংগাপুৰৰ সাগৰৰ পাৰত হঠাৎ নিঠৰ হʼল এটা মায়াময় সুৰ
হঠাতেই হেৰাল কেনিনো মোৰ চোতালৰে জোনাক
নীৰৱে-নিতালে শুই অসম পালেহি প্ৰাণৰ শিল্পী জুবিন গাৰ্গ
কাইলৈ প্ৰাণৰ শিল্পী জুবিন গাৰ্গৰ অন্ত্যেষ্টিক্ৰিয়া ; সৰুসজাইৰ পৰা সোণাপুৰলৈ জুবিনৰ অন্তিম যাত্ৰা
শোণিতপুৰৰ বালিপৰাত নিৰ্মাণ কৰা হ'ব অসমীয়াৰ হিয়াৰ আমঠু জুবিন গাৰ্গৰ প্ৰতিমূৰ্তি
শেষকৃত্যৰ ১৩ দিনৰ পাছত যোৰহাটত চিতাভস্ম লৈ হ'ব ৰাজ্য চৰকাৰৰ অনুষ্ঠান