বিশ্বৰ শীৰ্ষ ১০টা AI কোম্পানী: জানক ১ নম্বৰ স্থানত কোন?

ডিজিটেল ডেস্ক: বৰ্তমানৰ যুগটো হৈছে কৃত্ৰিম বুদ্ধিমত্তাৰ যুগ। প্ৰযুক্তিৰ এই দ্ৰুত পৰিৱৰ্তনৰ দৌৰত বিশ্বৰ বৃহৎ শক্তিসমূহৰ মাজত এতিয়া নিজৰ স্থান সুৰক্ষিত কৰাৰ প্ৰতিযোগিতা চলিছে। 

শেহতীয়াকৈ প্ৰকাশিত এক প্ৰতিবেদন অনুসৰি, বিশ্বৰ শীৰ্ষ ১০টা AI কোম্পানীৰ তালিকাত আমেৰিকা যুক্তৰাষ্ট্ৰই নিজৰ আধিপত্য বজাই ৰাখিছে। ১ নম্বৰ স্থানত এনভীডিয়া (NVIDIA)বৰ্তমান বিশ্বৰ আটাইতকৈ মূল্যৱান আৰু প্ৰভাৱশালী AI কোম্পানী হিচাপে পৰিগণিত হৈছে NVIDIA। 

বিশেষকৈ AI চিপ আৰু GPU (Graphics Processing Unit) নিৰ্মাণৰ ক্ষেত্ৰত এই কোম্পানীটোৰ কোনো বিকল্প নাই। ChatGPT ৰ দৰে আধুনিক AI মডেলসমূহ চলোৱাৰ ক্ষেত্ৰত এনভীডিয়াৰ চিপসমূহ অপৰিহাৰ্য।

শীৰ্ষ ১০ টা কোম্পানীৰ তালিকা:

১. NVIDIA (এনভীডিয়া) – আমেৰিকা যুক্তৰাষ্ট্ৰ

২. Broadcom (ব্ৰডকম) – আমেৰিকা যুক্তৰাষ্ট্ৰ

৩. TSMC (টি.এছ.এম.চি.) – টাইৱান

৪. Samsung (চামচাং) – দক্ষিণ কোৰিয়া

৫. ASML (এ.এছ.এম.এল.) – নেদাৰলেণ্ড

৬. AMD (এ.এম.ডি.) – আমেৰিকা যুক্তৰাষ্ট্ৰ

৭. SK Hynix (এস.কে. হাইনিক্স) – দক্ষিণ কোৰিয়া

৮. Micron Technology (মাইক্ৰন টেকন'লজী) – আমেৰিকা যুক্তৰাষ্ট্ৰ

৯. Lam Research (লেম ৰিচাৰ্ছ) – আমেৰিকা যুক্তৰাষ্ট্ৰ

১০. Applied Materials (এপ্লাইড মেটেৰিয়েলছ) – আমেৰিকা যুক্তৰাষ্ট্ৰ

আমেৰিকাৰ কিয় ইমান দপদপনি?

এই তালিকাখনলৈ চালে দেখা যায় যে শীৰ্ষ ১০টাৰ ভিতৰত ৬টা কোম্পানীয়েই আমেৰিকাৰ। ইয়াৰ কাৰণসমূহ হ'ল:

উদ্ভাৱনী শক্তি: চিলিকন ভেলীত হোৱা নিত্য-নতুন গৱেষণা।

চিপ ডিজাইন: AI চিপ ডিজাইনৰ ক্ষেত্ৰত আমেৰিকাৰ কোম্পানীবোৰ বহুত আগবঢ়া।

বিনিয়োগ: AI খণ্ডত আমেৰিকান চৰকাৰ আৰু ব্যক্তিগত খণ্ডৰ বৃহৎ বিনিয়োগ।

চীন আৰু জাপানৰ অনুপস্থিতি 

আশ্চৰ্যজনকভাৱে, প্ৰযুক্তিৰ ক্ষেত্ৰত আগবঢ়া বুলি গণ্য কৰা চীন বা জাপানৰ কোনো এটা কোম্পানীও এই শীৰ্ষ ১০টাৰ তালিকাত স্থান লাভ কৰিবলৈ সক্ষম হোৱা নাই। বৰঞ্চ দক্ষিণ কোৰিয়াৰ Samsung আৰু SK Hynix এ নিজৰ স্থান ধৰি ৰাখিবলৈ সক্ষম হৈছে।

AI এ অনাগত দিনত পৃথিৱীৰ অৰ্থনীতি নিয়ন্ত্ৰণ কৰিব। যিহেতু এই খণ্ডত বৰ্তমান আমেৰিকাৰ আধিপত্য বেছি, সেয়েহে গোলকীয় প্ৰযুক্তি বজাৰত আমেৰিকাৰ শক্তি আৰু অধিক বৃদ্ধি পোৱাৰ সম্ভাৱনা আছে।