ৰাছিয়াৰ নাগৰিকৰ সম্পত্তি জব্দ কৰাৰ আইনত ইউক্ৰেইন সংসদৰ অনুমোদন

ডিজিটেল ডেস্ক: ইউক্ৰেইন সংসদে ইউক্ৰেইনত ৰাছিয়াৰ নাগৰিকসকলৰ মালিকানাধীন সম্পত্তি জব্দ কৰাৰ আইনত অনুমোদন জনাইছে৷ ইউক্ৰেইনৰ সংসদে শুকুৰবাৰে ইউক্ৰেইন নিবাসী ৰাছিয়াৰ নাগৰিকৰ মালিকানাধীন সম্পত্তি জব্দ কৰাৰ অনুমতি দিবলৈ এখন আইনত অনুমোদিত জনাইছে৷ ৰয়টাৰৰ মতে, আইনখনে ইউক্ৰেইন চৰকাৰক কোনবোৰ সম্পত্তি জব্দ কৰিব লাগে তাৰ পৰামৰ্শ দিবলৈ অনুমতি দিয়ে, জব্দৰ পাছত তেওঁলোকৰ ৰাজ্যিক মালিকীস্বত্বলৈ স্থানান্তৰৰ বাবে অনুমোদন দিব লাগিব ইউক্ৰেইন সংসদে। ৰাছিয়া-ইউক্ৰেইন সামৰিক অভিযানৰ অষ্টম দিনটোত ৰাছিয়াৰ সামৰিক বাহিনীয়ে ইউক্ৰেইনৰ খেৰচন চহৰখন দখল কৰি কীয়েভ, চুমি আৰু অন্যান্য চহৰসমূহত বোমা বিস্ফোৰণ অব্যাহত ৰাখিছে। ৰাছিয়াৰ ৰাষ্ট্ৰপতি ভ্লাদিমিৰ পুটিনে সোমবাৰে ইউক্ৰেইনৰ বিচ্ছিন্ন অঞ্চল ডনেটস্ক আৰু লুহানস্কক স্বতন্ত্ৰ সত্তা হিচাপে স্বীকৃতি দিছিল। পাছত ৰাছিয়াই ইউক্ৰেইনত সম্পূৰ্ণ আক্ৰমণ আৰম্ভ কৰে। ৰাছিয়াৰ ৰাজধানী চহৰ মস্কোৱে শেহতীয়া কাৰ্যকলাপক লৈ বিশেষকৈ পশ্চিমীয়া দেশসমূহৰ পৰা যথেষ্ট সমালোচনাৰ সন্মুখীন হৈছে। আমেৰিকা যুক্তৰাষ্ট্ৰ আৰু জাৰ্মানীকে ধৰি কেইবাখনো দেশে ৰাছিয়াৰ ওপৰত নতুন পৰ্যায়ৰ নিষেধাজ্ঞা আৰোপ কৰিছে। ইপিনে, ইউক্ৰেইনৰ আকাশীপথ বন্ধ হোৱাৰ পাছত ভাৰতে ৰোমানিয়া, হাংগেৰী, পোলেণ্ড আৰু শ্লোভাকিয়াৰ সৈতে ইয়াৰ স্থল সীমান্ত পাৰ হৈ ইউক্ৰেইনৰ পৰা আবদ্ধ ভাৰতীয়সকলক স্থানান্তৰ কৰাত সহায় কৰিছে।