আচৰিত বিদ্যুৎ বিভাগ! বিদ্যুৎ যোগানো ধৰে, গণি শেষ কৰিব নোৱাৰা ধনো দিয়ে

ডিজিটেল ডেস্ক : সাধাৰণ বতাহ-ধুমুহাতেই ইলেক্ট্ৰিচিটি ব্যাঘাত জন্মে অসমত৷ বিজুলী চাকি বিচাৰি হাহাকাৰ কৰিবলগীয়া হয় অসমৰ জনতা৷ এনে সময়তে এটা খবৰে চকু কপালত উঠাইছে সাধাৰণ জনতাৰ৷ বিজুলী শক্তি যোগানত ব্যাঘাত জন্মাৰ বাবে এটি কোম্পানীয়ে এজন ব্যক্তিক প্ৰদান কৰিলে কোটি টকাৰ চেক৷ এই ঘটনা সংঘটিত হৈছে ইউকেত৷ ইউকেৰ এজন বাসিন্দাক শক্তি প্ৰদানকাৰীৰ কোম্পানী এটাই ক্ষতিপূৰণৰ বাবদ প্ৰদান কৰিছিল চেক৷ ২৩ নিযুত কোটি টকাৰ আছিল এই চেকখন৷ লগে লগে ভাইৰেল হৈ পৰে ইয়াৰ আলোকচিত্ৰ৷ ইপিনে চেকখন গ্ৰহণ কৰি বিভূৰ্তিত হৈ পৰে ব্যক্তিজন৷ ব্যক্তিজন হৈছে ইউকেৰ পশ্চিম য়ৰ্কশায়াৰৰ হেবডেন ব্ৰিজ৷ ১২ ফেব্ৰুৱাৰীত পশ্চিম য়ৰ্কশায়াৰৰ হেবডেন ব্ৰিজৰ গেৰেথ হিউজে এইছবিখন টুইট কৰিছিল৷ তাৰ পাছতেই এই খবৰে তোলপাৰ লগাইছে ছ'চিয়েল মিডিয়াত৷ এই তথ্য অনুসৰি শক্তি প্ৰদানকাৰী নৰ্দাৰ্ণ পাৱাৰগ্ৰিড নামৰ কোম্পানীটোৱে ব্যক্তিজনলৈ ২৩ নিযুত কোটি টকাৰ চেক প্ৰদান কৰিছে। ব্ৰিজে চেকখনৰ বাবে সেৱা যোগানকৰ্তাক নম্ৰতাৰে ধন্যবাদ জনাই আৰু কয়, 'আৰৱেনৰ ধুমুহাৰ পাছত আমি কেইবাদিনো বিদ্যুৎবিহীন হৈ আছিলো৷ আমাৰ ক্ষতিপূৰণ পৰিশোধ কৰাৰ বাবে নৰ্থ পাৱাৰগ্ৰিডক অশেষ ধন্যবাদ।' লগতে তেওঁ কয়, 'মই কোম্পানীক সুধিছো যে তেওঁলোকে সঁচাকৈ এই খৰচ বহন কৰিব নেকি?' এই টুইটটোৱে সকলোকে আচৰিত কৰি তোলে৷ এই টুইটাৰটোৰক ভিত্তি কৰি ৫৬,০০০ৰো অধিক উদাহৰণৰ টুইট কৰা পৰিলক্ষিত হৈছে আৰু ৬,০০০ৰো অধিক উদাহৰণ ৰি-টুইট কৰা দেখিবলৈ পোৱা গৈছে।