ডিজিটেল ডেস্কঃ চিকিৎসা বিজ্ঞান বহু আগুৱাই গৈছে। কিছু দশকৰ আগলৈকে যিটো অসম্ভৱ যেন লাগিছিল, সেয়া বৰ্তমান বাস্তৱলৈ পৰিণত হৈছে। ব্ৰিটেইনৰ এহাল লেচবিয়ান দম্পতী হৈ পৰিল পিতৃ-মাতৃ। দুই সমকামী যুৱতীয়ে জন্ম দিলে এটি পুত্ৰ সন্তান। ৩০ বছৰীয়া এষ্টেফানিয়া আৰু ২৭ বছৰীয়া আজাহাৰাই অক্টোবৰ মাহত নিজৰ পুত্ৰ সন্তানক পৃথিৱীলৈ আদৰণি জনাইছিল। পুত্ৰ সন্তানটিৰ নাম ৰাখিছে ডেৰেক এলয়।
বিশেষ কথাটো হ’ল এইটোৱেই প্ৰথম ইউৰোপীয় সন্তান, যাক লেচবিয়ান দম্পতীয়ে নতুন কৌশলেৰে জন্ম দিছিল। ডেৰেকক জন্ম দিয়া ডিম্বাণুটো এষ্টেফানিয়াৰ গৰ্ভত নিষিক্ত কৰা হৈছিল যদিও সেই ডিম্বাণুটো আজহাৰাই ৯ মাহ ধৰি গৰ্ভত ৰাখিছিল। এই প্ৰক্ৰিয়া মাৰ্চ মাহৰ পৰা আৰম্ভ হৈছিল।
এষ্টেফানিয়া আৰু আজহাৰাই গৰ্ভধাৰণৰ বাবে ইনভ’চেল নামৰ নতুন প্ৰজনন চিকিৎসা ব্যৱহাৰ কৰিছিল। ইয়াৰ সময়ত যোনিৰ ভিতৰত বুঢ়া আঙুলিৰ আকাৰৰ সৰু কেপচুল এটা ৰখা হয়, য’ত ডিম্বাণু আৰু শুক্ৰাণু থাকে। কেপচুলটো যোনিৰ ভিতৰত পাঁচ দিন থৈ দিয়া হয়। কেপচুলটো এষ্টেফানিয়াৰ যোনিত পাঁচ দিন ৰখাৰ বিপৰীতে বাকী প্ৰক্ৰিয়াটো আজাহাৰাৰ জৰায়ুত কৰা হৈছিল। ভ্ৰূণটো জৰায়ুলৈ স্থানান্তৰিত কৰাৰ আগতে পৰীক্ষা কৰা হৈছিল।
আজহাৰাই ৯ মাহ ধৰি ভ্ৰুণটোক গৰ্ভত ৰাখিছিল। ৩০ অক্টোবৰত তেওঁ এটা সুস্থ ল’ৰা সন্তান জন্ম দিয়ে। এই চিকিৎসাৰ বাবে দম্পতীহালে ঔষধকে ধৰি ৫৪৮৯ মাৰ্কিন ডলাৰ খৰচ কৰিবলগীয়া হৈছিল। ডেৰেকৰ জন্ম সম্ভৱ কৰি তোলা দলটোৰ এজন চিকিৎসকে কয় যে এই পদ্ধতিৰ নতুন কথাটো হ’ল দুয়োজনে ভ্ৰুণটো প্ৰয়োজন অনুসৰি ইজনে সিজনৰ গৰ্ভলৈ স্থানান্তৰ কৰিব পাৰে। ইনভ’চেলৰ জৰিয়তে জন্ম হোৱা প্ৰথমটো ইউৰোপীয় শিশু হল ডেৰেক এলয়।
Continue Reading
