ডিজিটেল ডেস্কঃ ভাৰতৰ উদ্যোগপতি ৰতন টাটাৰ দেহাৱসানত শোকস্তব্ধ হৈ পৰিছে সমগ্ৰ দেশ। ৮৬ বছৰ বয়সত শেষ নিশ্বাস ত্যাগ কৰে ৰতন টাটাই। ৰতন টাটা যিমানেই সফল ব্যৱসায়ী আছিল, সিমানেই তেওঁৰ ব্যক্তিগত জীৱন ৰহস্যময় আৰু ব্যক্তিগত হৈয়েই থাকিল। ব্যক্তিগত জীৱনৰ বিষয়ে তেওঁ কেতিয়াও ৰাজহুৱাভাৱে কথা কোৱা নাছিল। কিন্তু ১৯৯৭ চনত দিয়া এটা সাক্ষাৎকাৰত তেওঁ নিজৰ অসম্পূৰ্ণ প্ৰেম কাহিনীৰ কথা উল্লেখ কৰিছিল।
এক সাক্ষাৎকাৰত ৰতন টাটাই কয় যে ১৯৬০ চনত আমেৰিকাত অধ্যয়ন কৰাৰ পিছত তেওঁ তাত কাম আৰম্ভ কৰিছিল। সেই সময়ছোৱাত তেওঁ এগৰাকী ছোৱালীক লগ পাইছিল, সেই ছোৱালীজনীৰ প্ৰেমত পৰিছিল তেওঁ। কিন্তু আইতা নৱাজবাই টাটাই তেওঁক ভাৰতলৈ মাতি পঠিয়ালে। আইতাকৰ সেই সময়ত শৰীৰো অসুস্থ আছিল।
আইতাকৰ আহ্বানক তেওঁ নেওচা দিব নোৱাৰিলে কাৰণ আইতাকেই ৰতন টাটাক ডাঙৰ-দীঘল কৰিছিল। ৰতন টাটাৰ ৭ নে ৮ বছৰ বয়সতে পিতৃ-মাতৃৰ বিবাহ বিচ্ছেদ হৈছিল।
ৰতন টাটাই ক’লে যে সেই সময়টো বৰ ভাল সময় আছিল। তেওঁ নিজৰ চাকৰিটো ভাল পাইছিল। আচলতে আইতা নৱাজবাইয়ে তাক ডাঙৰ-দীঘল কৰিছিল। সি আইতাকৰ পৰা বহুদিন আঁতৰি আছিল, সেইবাবেই সি তাইক উভতি আহিবলৈ পতিয়ন নিয়াব পৰা নাছিল।
আইতাকৰ বাবে তেওঁ ঘৰলৈ ঘূৰি আহে। তেওঁ ভাবিছিল ভালপোৱা ছোৱালীজনীকো লগত লৈ আহিব। কিন্তু ১৯৬২ চনৰ ভাৰত-চীন যুদ্ধৰ বাবে ছোৱালীজনীক ৰতন টাটাৰ লগত নপঠিয়ালে পৰিয়ালে। আৰু ৰতন টাটাও আকৌ আমেৰিকালৈ ঘূৰি যাব নোৱাৰিলে।
পাছত পৰিয়ালে ঠিক কৰা যুৱকৰ সৈতে বিয়া হয় ছোৱালীজনী। যাৰ বাবে সম্পৰ্কটো চিৰদিনৰ বাবে ভাঙি যায়। মনে-প্ৰাণে ভালপোৱা ছোৱালীজনী আনৰ হৈ যোৱাৰ পাছত তেওঁ আৰু অন্যৰ মাজত মৰম-ভালপোৱা বিচাৰি নগ’ল। ফলত চিৰজীৱনৰ বাবে চিৰকুমাৰ হৈ ৰয় ৰতন টাটা।
Continue Reading
