ডিজিটেল ডেস্কঃ এইবাৰ ২০২৩ চনৰ ২২ এপ্ৰিল অৰ্থাৎ শনিবাৰে অক্ষয় তৃতীয়া উদযাপন কৰা হ’ব। হিন্দু ধৰ্মত অক্ষয় তৃতীয়াক অতি গুৰুত্বপূৰ্ণ দিন বুলি গণ্য কৰা হয় কাৰণ এই দিনটোত শুভ কাম কৰিবলৈ শুভ সময় পোৱা যায়। অৰ্থাৎ অক্ষয় তৃতীয়াৰ দিনা যিকোনো শুভ কাম বা বস্তু ক্ৰয় কৰিব পাৰি। অক্ষয় তৃতীয়াৰ দিনা মাতৃ লক্ষ্মী আৰু বিষ্ণু ভগৱানক পূজা কৰা হয়। ইয়াৰ সমান্তৰালকৈ অক্ষয় তৃতীয়াৰ দিনা ধন পোৱাৰ ব্যৱস্থা গ্রহণ কৰিলে ব্যক্তিজন ধনী হয়।
টকা পোৱাৰ উপায়
- লক্ষ্মী দেৱীক সন্তুষ্ট কৰিবলৈ অক্ষয় তৃতীয়াৰ দিনটো অতি গুৰুত্বপূৰ্ণ। ঠিক দীপাৱলীৰ দৰেই অক্ষয় তৃতীয়াৰ দিনা ৰীতি-নীতিৰে লক্ষ্মী দেৱীক পূজা কৰিলেও অপৰিসীম সুখ আৰু সমৃদ্ধি পোৱা যায়। লগতে ধনৰ প্ৰবাহ হয়। অক্ষয় তৃতীয়াৰ দিনা লক্ষ্মী দেৱীক পূজা কৰি গোলাপ ফুল আগবঢ়াওক। এই কামত মা সুখী হ’ব। লগতে ক্ষীৰ ভোগ হিচাপে আগবঢ়াওক।
- অক্ষয় তৃতীয়াত মা লক্ষ্মীক স্ফতিকৰ মালা প্ৰদান কৰিলেও ধন-সম্পত্তি আৰু সমৃদ্ধি পোৱা যায়। মা লক্ষ্মীক নতুন স্ফতিকৰ মালা আগবঢ়ালে ভাল হ’ব। যদি এয়া সম্ভৱ নহয়, তেন্তে পুৰণি মালাডালো গংগাজলেৰে ধুই আগবঢ়াব পাৰি।
- অক্ষয় তৃতীয়াৰ দিনা নিজৰ সামৰ্থ্য অনুযায়ী সোণ-ৰূপৰ বস্তু কিনিব। সোণ বা ৰূপৰ সৰু পাত এটাও কিনিব পাৰি। এনে কৰিলে আপোনাৰ ঘৰত সদায় টকাৰ সোঁত থাকিব। ঘৰখন ধন-সম্পত্তিৰে ভৰি পৰিব। মা লক্ষ্মীৰ চৰণ ক্ৰয় কৰাটো অতি শুভ। দৈনিক পূজাও কৰিলে ভাল হ’ব।
- অক্ষয় তৃতীয়াৰ দিনা কেশৰ আৰু হালধিৰে দেৱী লক্ষ্মীক পূজা কৰিলে সকলো আৰ্থিক সমস্যা দূৰ হয়।
- অক্ষয় তৃতীয়াৰ দিনা মা লক্ষ্মীৰ পূজাত ১১ টা কড়ি ৰাখক। তাৰ পিছত পৰিষ্কাৰ ৰঙা কাপোৰেৰে বান্ধি পূজাস্থলীত বা টকা থকা চন্দুকত ৰাখক। ঘৰলৈ টকা আহিব।
- অক্ষয় তৃতীয়াত দান আৰু পূণ্য কৰক।
Continue Reading
