ৰাহুল গান্ধীৰ আমেৰিকা ভ্ৰমণে; মূৰৰ কামোৰণি তুলিছে বিজেপি আৰ এছ এছৰ

প্ৰাপ্ত তথ্য অনুসৰি ১০ ছেপ্টেম্বৰত ৰাহুল গান্ধী ৱাশ্বিংটন ডি চিস্থিত জৰ্জটাউন বিশ্ববিদ্যালয়ত উপস্থিত হয়। আৰু ছাত্ৰ-ছাত্ৰীৰসকলৰ সৈতে মত বিনিময় কৰে৷ অনুষ্ঠানটোত অংশগ্ৰহণ কৰি বিজেপি-আৰএছএছৰ লগতে নিৰ্বাচন আয়োগৰ ওপৰত আক্ৰমণাত্মক বাক্যবাণেৰে থকা সৰকা কৰে৷ বিৰোধী কংগ্ৰেছ নেতাগৰাকীয়ে লোকসভা নিৰ্বাচন নিকাভাবে অনুষ্ঠিত নহ’ল বুলি মত প্ৰকাশ কৰে৷ লগতে কয় যে ‘নিৰ্বাচন আয়োগে বিজেপি য়ে বিচৰা ধৰণে কাম কৰিছিল৷ নৰেন্দ্ৰ মোদীয়ে সমগ্ৰ দেশতে নিজৰ কাম কৰিব পাৰে সেই অনুসাৰে নিৰ্বাচনি প্ৰচাৰ চলাইছিল।’ আৰু এই নিৰ্বাচন নিয়ন্ত্ৰিত নিৰ্বাচন বুলিও অভিযোগ উত্থাপন কৰে। নিৰ্বাচন নিকা হোৱা হ’লে বিজেপিয়ে ২৪০ খন আসনৰ ওচৰতো উপনীত হ’ব নোহাৰিলে হেতেন। তেওঁৰ অৰ্থনৈতিক লাভৰ বিশাল। 

বিৰোধী নেতা গৰাকীয়ে অভিযোগ উত্থাপন কৰি কয় যে ‘ডাঙৰ ডাঙৰ প্ৰতিষ্ঠানসমূহ আৰ এছ এছে দখল কৰিছে শিক্ষা ব্যৱস্থাৰ ওপৰতো আৰ এছ এছে দখল কৰি লৈছে। সংবাদ মাধ্যম আৰু তদন্তকাৰী সংস্থাৰ ওপৰত তেওঁলোকে নিয়ন্ত্ৰণ স্থাপন কৰিছে।’ সাধাৰণ জনতাই বুজি উঠিছিল এইখন সংবিধান ৰক্ষা কৰা আৰু ধ্বংস কৰা সকলৰ মাজৰ যুঁজ বুলিও উল্লেখ কৰে৷ দলিত, অ’বিচি আৰু আদিবাসীয়ে নিজৰ অধিকাৰ লাভ কৰাৰ পৰা বঞ্চিত হৈছে বুলিও অভিযোগ উত্থাপন কৰে বিৰোধী নেতা গৰাকীয়ে৷ সমান্তৰাল ভৱে বিজেপি আৰ এছ এছো ৰাহুল গান্ধীৰ মন্তব্যৰ বাবে সৰৱ হৈ পৰা পৰিলক্ষিত হৈছে৷