ডিজিটেল ডেস্ক: লোকসভা নিৰ্বাচনত ৰাহুল গান্ধীয়ে সংবিধান সংকটত পৰিছে বুলি ভুৱা বাতৰি প্ৰচাৰ কৰি ভোট লৈ সংৰক্ষণ ব্যৱস্থাৰ অন্ত পেলোৱাৰ পোষকতা কৰিছে বুলি অভিযোগ উত্থাপন কৰি উত্তেজিত হৈ পৰে মহাৰাষ্ট্ৰৰ শিৱসেনাৰ বিধায়ক সঞ্জয় গাইকৱাড়। ৰাহুল গান্ধীৰ প্ৰতি আক্ৰমণাত্মক হৈ বিধায়ক গৰাকীয়ে ৰাহুল গান্ধীৰ জিভা কাটিলে ১১ লাখ টকাৰ পুৰস্কাৰ দিব বুলি কৰা আপত্তিজনক মন্তব্যৰ বাবে উত্তেজনাৰ সৃষ্টি হৈছে ৰাজনৈতক ক্ষেত্ৰখনত৷
কংগ্ৰেছ দলক কঠোৰ সমালোচনা কৰি শিৱসেনাৰ বিধায়কগৰাকীয়ে কয় ‘তেঁওলোকে পিছপৰা লোক তথা জনজাতীয় লোকৰ সংৰক্ষণৰ ব্যৱস্থাৰ বিলুপ্তি ঘটোৱাৰ কথা কৈছে৷ কংগ্ৰেছ দলে সংৰক্ষণৰ অন্ত পেলোৱাৰ যি হেঁপাহ দেখুৱাইছে তাৰ পৰা কংগ্ৰেছৰ প্ৰকৃত স্বৰূপ ওলাই পৰিছে বুলি কোৱাৰ লগতে কয় ৰাহুল গান্ধীয়ে সংবিধান ধ্বংশ কৰাৰ কথা কৈছে, পিছপৰা লোকৰ মুখৰ ভাত কাঢ়ি নিয়াৰ কথা কৈছে তেওঁক মই প্ৰত্যাহবান জনাই ৰাহুল গান্ধীৰ জিভা কাটিলে ১১ লাখ টকা দিম বুলিও মন্তব্য কৰে৷’
ইয়াৰ পূৰ্বে কেন্দ্ৰীয় মন্ত্ৰী তথা বিজেপি নেতা ৰৱনীত সিং বিট্টুৱে ৰাহুল গান্ধীক কটাক্ষ কৰি দেশৰ এক নম্বৰ সন্ত্ৰাসবাদী বুলি অভিহিত কৰিছে।সম্প্ৰতি বিৰোধী দলৰ নেতা ৰাহুল গান্ধীৰ ওপৰত এনে দৰে উপৰ্যুপৰি আক্ৰমাণাত্মক হৈ পৰা পৰিলক্ষিত হৈছে বিপক্ষৰ নেতা সকল৷ প্ৰশ্ন হয় যে বিৰোধী দলৰ নেতা ৰাহুল গান্ধীক আক্ৰমণৰ লক্ষ্য কৰি লোৱাটোৱে কি সূচায়? ৰাহুল গান্ধীক লৈ শংকিত হৈছে নেকি বিপক্ষ!
Continue Reading
