ডিজিটেল ডেস্ক: হিন্দি চলচ্চিত্র জগতৰ এটা উল্লেখযোগ্য নাম নৱাজুদ্দিন ছিদ্দিকী৷ জনপ্ৰিয় অভিনেতা গৰাকীয়ে তেওঁৰ অভিনয় কেৰিয়াৰত বহু হিট ছবিৰ উপহাৰ দিছে। বাস্তৱ জীৱনৰ লগতে অভিনয় কেৰিয়াৰৰ আৰম্ভণিৰ সময়ছোৱাৰ পৰা বহু উত্থান-পতনেৰে ভৰি আছে অভিনেতাগৰাকীৰ জীৱন। শেহতীয়াকৈ আইনী মেৰপেছত সোমাই পৰিছে নৱাজুদ্দিন ছিদ্দিকী৷
শেহতীয়াকৈ এপ এটাত প’কাৰ খেলিবলৈ উৎসাহিত কৰা বিজ্ঞাপনত অংশ লোৱা পৰিলক্ষিত হৈছিল অভিনেতা গৰাকীক। প্ৰাপ্ত খবৰ অনুসৰি এটা হিন্দু সংগঠনে এই বিজ্ঞাপনটোৱে জনসাধাৰণক জুৱাৰ সৈতে জড়িত কৰি মহাৰাষ্ট্ৰ আৰক্ষীৰ সুনাম ক্ষতিগ্ৰস্ত কৰা দাবী উত্থাপন কৰি, ছিদ্দিকী আৰু বিগ কেছ পকাৰৰ স্বত্বাধিকাৰী অংকুৰ সিঙৰ বিৰুদ্ধে ব্যৱস্থা গ্ৰহণৰ দাবীজনাই হিন্দু জনজাগৃতি সমিতিয়ে মুম্বাই আৰক্ষী আয়ুক্ত তথা মহাৰাষ্ট্ৰৰ আৰক্ষী সঞ্চালক প্ৰধানলৈ পত্ৰ প্ৰেৰণ কৰিছে।
মুম্বাই আৰক্ষী আয়ুক্ত আৰু মহাৰাষ্ট্ৰৰ আৰক্ষী সঞ্চালক প্ৰধানলৈ সুৰাজ্য অভিযানৰ মহাৰাষ্ট্ৰ ৰাজ্যিক সমন্বয়ক অভিষেক মুৰুকাটেএখন পত্ৰ লিখি এই সন্দৰ্ভত নিজৰ মতামত প্ৰকাশ কৰিছে। এই পত্ৰত মহাৰাষ্ট্ৰ অসামৰিক সেৱা নিয়ম ১৯৭৯ আৰু মহাৰাষ্ট্ৰ আৰক্ষী আইন ১৯৫১ৰ অধীনত ছিদ্দিকী আৰু সিং দুয়োৰে বিৰুদ্ধে কঠোৰ ব্যৱস্থা গ্ৰহণৰ দাবী জনাইছে।
এই আবেদনৰ বিৰুদ্ধে আৰক্ষী বিষয়াই কোনো ব্যৱস্থা গ্ৰহণ নকৰাটো হতাশাজনক আৰু আনে অভিযোগ কৰিবলগীয়া হোৱাটো দুখজনক বুলি উল্লেখ কৰিছে।আৰু এই সন্দৰ্ভত মহাৰাষ্ট্ৰৰ গৃহমন্ত্ৰীয়ে বিষয়টো বিবেচনা কৰিবলৈ এই পত্ৰৰ জৰিয়তে আহ্বান জনাইছে।
Continue Reading
