ডিজিটেল ডেস্ক: প্ৰতিদিনে ৰাজস্থানৰ ছ’চিয়েল মিডিয়াত ৰিল আৰু অন্য ভিডিঅ’ চৰ্চাৰ বিষয় হৈ পৰে। কেতিয়াবা পুখুৰীৰ মাজত ঘৰিয়ালৰ সৈতে একেলগে ডেকা ল’ৰা-ছোৱালীয়ে ৰিল বনায়, কেতিয়াবা ৰাস্তাৰ মাজৰ তেওঁলোকৰ ষ্টাণ্ট ভাইৰেল হৈ পৰে। এইবাৰ ভাইৰেল হোৱা ভিডিঅ’টো অলপ পৃথক। ৰাজস্থানৰ উপ মুখ্যমন্ত্ৰী প্ৰেমচান্দ বাইৰৱাৰ পুত্ৰৰ ভিডিঅ’ পোহৰলৈ আহিছে। এই ভিডিঅ’টোত তেওঁৰ পুত্ৰই চিপচিপিয়া বৰষুণত বন্ধু-বান্ধৱীৰ সৈতে এখন মুকলি জীপত তীব্ৰ বেগেৰে গৈ আছে।
এই জীপখন বেতাঁৰেৰে সজ্জিত বুলি দাবী কৰা হৈছে। তেওঁলোকৰ সুৰক্ষাৰ বাবে এখন আৰক্ষীৰ বাহনে জীপখনৰ সন্মুখত আৰু পিছফালে নিৰাপত্তা প্ৰদান কৰি আছে। এই জীপখনত উপ মুখ্যমন্ত্ৰী প্ৰেমচান্দ বাইৰৱাৰ পুত্ৰ আশু বৈৰৱা আৰু কংগ্ৰেছ নেতা পুষপেন্দ্ৰ ভৰদ্বাজৰ পুত্ৰ কাৰ্তিক ভৰদ্বাজৰ উপস্থিতি বুলি কোৱা হৈছে। এইজন পুষ্পেন্দ্ৰ ভৰদ্বাজে ২০২৩ চনৰ বিধানসভা নিৰ্বাচনত সংগনেৰ আসনৰ পৰা মুখ্যমন্ত্ৰী ভজনলাল শৰ্মাৰ বিৰুদ্ধে প্ৰতিদ্বন্দ্বিতা কৰিছিল।
তেওঁ এই ভিডিঅ’টো ইনষ্টাগ্ৰামত শ্বেয়াৰ কৰি কেপচনত লিখিছে 'ৰাজনীতি হওক বা ৰাজপথ, আমি সকলোতে নিজৰ নিজৰ খোজ নিজেই লওঁ।'। এই ভিডিঅ'টো কংগ্ৰেছ নেতা পুষ্পেন্দ্ৰ ভৰদ্বাজৰ পুত্ৰ কাৰ্তিকেয়া ভৰদ্বাজৰ ইনষ্টাগ্ৰাম একাউণ্টৰ পৰা শ্বেয়াৰ কৰা হৈছে। জানিব পৰা মতে এই জীপখন পুষ্পেন্দ্ৰ ভৰদ্বাজৰ ৷
এই ভিডিঅ’ ভাইৰেল হোৱাৰ পাছত প্ৰশ্ন উত্থাপন হয় যে ৰাজনীতিবিদৰ পুত্ৰৰ ধেমালিত আৰক্ষীৰ ভূমিকা কি? আৰক্ষীয়ে তেওঁলোকক কিয় নিৰাপত্তা প্ৰদান কৰিছে? এই ভিডিঅ'টো এই প্ৰশ্নবোৰেৰে ছ’চিয়েল মিডিয়াত বহুত চৰ্চিত হৈছে।
এই ভিডিঅ'টোৰ প্ৰতি সঁহাৰি জনাই উপ মুখ্যমন্ত্ৰী প্ৰেমচান্দ বাইৰৱাই কয়- ‘‘মোৰ পুত্ৰ বৰ্তমান ছিনিয়ৰ ছেকেণ্ডাৰী স্কুলত পঢ়ি আছে। তেওঁৰ লগত স্কুলৰ বন্ধুবোৰৰো আছে। প্ৰধানমন্ত্ৰী নৰেন্দ্ৰ মোডী ডাঙৰীয়াক মোৰ দৰে এজন ব্যক্তিক ৰাজস্থানৰ উপ মুখ্যমন্ত্ৰী হিচাপে গঢ়ি তোলাৰ বাবে ধন্যবাদ জ্ঞাপন কৰিছো। আজি যেতিয়া কোনোবা ধনী ব্যক্তিয়ে মোৰ পুত্ৰক নিজৰ গাড়ীত লৈ যায়, তেতিয়া তেওঁ এখন ভাল গাড়ী দেখাৰ সুযোগ পায়।’’
উল্লেখ্য যে পৰিবহণ বিভাগৰ দায়িত্বও ৰাজস্থানৰ উপ মুখ্যমন্ত্ৰী প্ৰেম চান্দ বৈৰৱাৰ ওপৰত আছে। আনহাতে, পুত্ৰই যান-বাহন নিয়ম উলংঘা কৰা অভিযোগ উত্থাপন ৰাইজৰ ৷
Continue Reading
