ডিজিটেল ডেস্ক: অহা ২৮ আগষ্টত ৰাজ্যজুৰি অনুষ্ঠিত হ’ব ৰাজ্য চৰকাৰৰ অধীনস্থ তৃতীয় আৰু চতুৰ্থ বৰ্গৰ নিযুক্তি প্ৰক্ৰিয়াৰ লিখিত পৰীক্ষা৷ এই লিখিত পৰীক্ষাৰ বাবে সাজু কৰি তুলিব পৰাকৈ সদৌ তামুলপুৰ মহকুমা ছাত্ৰ সন্থাই আয়োজন কৰিছে এটা প্ৰশিক্ষণ শিবিৰ৷
সদৌ বাকসা জিলা ছাত্ৰ সন্থাৰ আহ্বানমৰ্মে সদৌ তামুলপুৰ মহকুমা ছাত্ৰ সন্থাৰ উদ্যোগত অহা ২ জুলাইৰ পৰা তামুলপুৰ মহকুমাৰ অন্তৰ্গত কুমাৰীকাটা , তামুলপুৰ, গান্ধীবাৰী, নাওকাটা , মহৰীপাৰাত সংশ্লিষ্ট আঞ্চলিক ছাত্ৰ সন্থাসমূহৰ সহযোগত এই প্ৰশিক্ষণ শিবিৰৰ প্ৰস্তুতি আৰম্ভ কৰিছে৷
২৮ আগষ্টত অনুষ্ঠিতব্য অসম চৰকাৰৰ তৃতীয় আৰু চতুৰ্থ বৰ্গৰ পৰীক্ষাৰ বাবে তামুলপুৰ মহকুমাৰ যুৱক-যুৱতীসকলৰ সুবিধাৰ্থে মহকুমাটোৰ অন্তৰ্গত বিভিন্ন আঞ্চলিকত অভিজ্ঞ প্ৰশিক্ষকৰ দ্বাৰা প্ৰশিক্ষণ দিয়া হ’ব৷
ইচ্ছুক প্ৰশিক্ষাৰ্থীসকলক তামুলপুৰ মহকুমা ছাত্ৰ সন্থাৰ লগত বা আঞ্চলিক ছাত্ৰ সন্থাসমূহৰ সভাপতি/সম্পাদকৰ লগত যোগাযোগ কৰিবলৈ আহ্বান জনাইছে তামুলপুৰ মহকুমা ছাত্ৰ সন্থাৰ সভাপতি সন্তোষ পাটোৱাৰী আৰু সম্পাদক অনুপ কলিতাই৷
Continue Reading
