ডিজিটেল ডেস্কঃ বিশ্বকাপৰ ছেমি ফাইনেলত নিউজিলেণ্ডৰ বিৰুদ্ধে মহম্মদ ছামীয়ে ৭টা উইকেট দখল কৰে। খেল আৰম্ভ হোৱাৰ আগতেই এজন ব্যক্তিয়ে গম পাইছিল যে সেই মেচত তেওঁ ৭টা উইকেট লাভ কৰিব। সেই বিষয়ে তেওঁ সকলোকে অৱগতো কৰিছিল৷
বুধবাৰে মুম্বাইৰ ৱানখেদে ষ্টেডিয়ামত শমীয়ে ৭টা উইকেট দখল কৰে। তাৰ আগদিনা ডন মাটিও নামৰ এজন ব্যক্তিয়ে নিজৰ এক্স হেণ্ডেলত লিখিছিল, "মই সপোনত দেখিছো যে ছেমি ফাইনেলত শ্বামীয়ে ৭ উইকেট দখল কৰিছে।"
প্ৰথমতে কোনেও এই পোষ্টটোৰ প্ৰতি বিশেষ গুৰুত্ব দিয়া নাছিল। কিন্তু শ্বামীয়ে ৭ উইকেট লোৱাৰ পাছত ভাইৰেল হৈ পৰিছে। বহুতে কৈছে যে মাটিওৱে ভাগ্য আগতীয়াকৈ ক’ব পাৰে!
উল্লেখথ্য যে শ্বামীয়ে বিশ্বকাপৰ এখন খেলত ৭টা উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হয়। এদিনীয়া বিশ্বকাপত চাৰিবাৰকৈ এখন খেলত পাঁচটা বা তাতকৈ অধিক উইকেট দখল কৰা প্ৰথমজন বলাৰ হিচাপে পৰিগণিত হয় ছামীয়ে। তিনিবাৰকৈ এই কৃতিত্ব অষ্ট্ৰেলিয়াৰ মিচেল ষ্টাৰকে কৰিছে।
বিশ্বকাপত ৫০টা উইকেট দখল কৰা প্ৰথমজন ভাৰতীয় বলাৰ হিচাপেও পৰিগণিত হয় শামী। তেওঁ এই কৃতিত্ব বিশ্বকাপত সৰ্বনিম্ন সংখ্যক মেচত (১৭) কৰিছিল। বিশ্বকাপৰ নক আউটত পাঁচটা উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হয় শামী
Continue Reading
