৬ জনগোষ্ঠীৰ জনজাতিকৰণৰ প্ৰসংগত মন্ত্ৰী গোটে দাখিল কৰা প্ৰতিবেদনৰ বিৰোধিতাৰে পুনৰ সৰৱ অখিল গগৈ

ডিজিটেল ডেস্ক: মন্ত্ৰীগোটৰ প্ৰতিবেদন প্ৰসংগত পুনৰ সৰৱ শিৱসাগৰৰ বিধায়ক অখিল গগৈ। শিৱসাগৰত ৰাইজৰ দলৰ অসম দিৱস উদযাপন। ৫ ডিচেম্বৰৰ পৰা ৰাইজৰ দলৰ গণমুখী কাৰ্য্যসূচী।

৬ জনগোষ্ঠীৰ জনজাতিকৰণৰ প্ৰসংগত মন্ত্ৰী গোটে দাখিল কৰা প্ৰতিবেদনৰ বিৰোধিতাৰে পুনৰ সৰৱ অখিল গগৈ। এই প্ৰতিবেদনে আহোমসকলৰ উপৰিও মৰাণ মটকসকলৰো জনজাতিকৰণৰ পথ ৰুদ্ধ কৰিছে বুলি মন্তব্য শিৱসাগৰৰ বিধায়কগৰাকীৰ।

সংবিধানত উল্লেখ নথকা উপত্যকা শ্ৰেণীৰ জনজাতীয় মৰ্যাদা কোনো কাৰণতে গ্ৰহণ যোগ্যতা নাই। এই প্ৰতিবেদন কেৱল বিজেপি চৰকাৰৰ ২৬ৰ নিৰ্বাচনী বৈতৰণী পাৰ হোৱাৰ কৌশল বুলি মন্তব্য গগৈৰ।

জনজাতিকৰণ সন্দৰ্ভত ৰাজ্যসভাত পূৰ্বে গৃহীত হৈ থকা বিধেয়ক লোকসভাৰ অধিৱেশনত উত্থাপন কৰাৰ দাবী অখিল গগৈৰ। শিৱসাগৰৰ যুৱদস প্ৰেক্ষাগৃহত অসম দিৱসত অংশগ্রহণ কৰি সাংবাদিকৰ আগত এইদৰে মত ব্যক্ত শিৱসাগৰৰ বিধায়কগৰাকীৰ।

আনহাতে আগন্তুক বিধানসভা নিৰ্বাচনৰ প্ৰতি লক্ষ্য ৰাখি ৫ ডিচেম্বৰৰ পৰা জনমুখী কাৰ্যসূচী ৰূপায়ণ কৰিব ৰাইজৰ দলে।