ডিজিটেল ডেস্ক: পুনৰ ৰাজপথত কৃষক৷ বিগত বৰ্ষত কৃষক বিদ্ৰোহে ভয়ংকৰ ৰূপ ধাৰণ কৰাৰ পাছত শংকিত হৈ পৰিছে বিজেপি নেতৃত্বাধীন কেন্দ্ৰীয় চৰকাৰ৷ কৃষক বিদ্ৰোহৰ ওচৰত নতজানু হৈ কেন্দ্ৰই বাতিল কৰিবলৈ বাধ্য হৈছিল তিনিখন বিতৰ্কিত কৃষি আইন৷
এতিয়া পুনৰ ৰাজপথলৈ আহিছে কৃষকসমাজ৷ দিল্লীৰ যন্তৰ-মন্তৰত প্ৰতিবাদত অংশ ল’ব কৃষকে৷ যদিও আন্দোলনটো বাতিল কৰা হৈছিল, চৰকাৰে দিয়া কোনো প্ৰতিশ্ৰুতি পালন কৰা হোৱা নাই। সেয়ে কৃষকসকলে আজি দিল্লীৰ যন্তৰ মন্তৰত প্ৰতিবাদৰ আহ্বান জনাইছে।
দেশত বৰ্ধিত নিবনুৱাৰ বিৰুদ্ধে প্ৰতিবাদ কৰিবলৈ আজি দিল্লীৰ যন্তৰ মন্তৰত সংযুক্ত কিষাণ মৰ্চা (এছকেএম) আৰু অন্যান্য কৃষক গোটৰ দ্বাৰা আয়োজিত ‘মহাপঞ্চায়ত’ত বহুসংখ্যক কৃষকে অংশগ্ৰহণ কৰিব বুলি আশা কৰা হৈছে৷ কালিৰে পৰা কৃষকসকলে সৰু সৰু গোটত প্ৰতিবাদস্থলীত উপস্থিত হ’বলৈ আৰম্ভ কৰিছে। দিল্লী আৰক্ষীয়ে হাৰিয়ানাৰ টিক্ৰি সীমান্তত নিৰাপত্তা ব্যৱস্থা বৃদ্ধি কৰিছে। গোটেই অঞ্চলটো চিমেণ্ট বেৰিকেডৰ দ্বাৰা ঘেৰাও কৰা হৈছে।
কৃষক সংগঠন ভাৰতীয় কিষাণ ইউনিয়নৰ নেতা ৰাকেশ টিকাইটক দিল্লী আৰক্ষীয়ে অস্থিৰতা এৰাই চলিবলৈ আগতীয়া সতৰ্কবাণী হিচাপে আটক কৰিছে। তেওঁক সম্প্ৰতি মধু বিহাৰ আৰক্ষী চকীত ৰখা হৈছে। আটকৰ প্ৰতিবাদত টুইট কৰি টিকাইটে কয়, দিল্লী আৰক্ষীয়ে কৃষকসকলৰ কণ্ঠ দমন কৰিব নোৱাৰিব৷
আজিৰ প্ৰতিবাদৰ নেতৃত্ব দিব সংযুক্তা কিষাণ মৰ্চাই। এই সংগঠনটোত প্ৰায় ৪০ টা সৰু আৰু ডাঙৰ কৃষক সংগঠন আছে। ইয়াৰ পূৰ্বে ১৮ আগষ্টত সংযুক্ত কিষাণ মৰ্চাই উত্তৰ প্ৰদেশৰ লখিমপুৰ খেৰীত ৭৫ ঘণ্টীয়া অৱস্থান ধৰ্মঘটৰ আহ্বান জনাইছিল আৰু চৰকাৰক নিজৰ প্ৰতিশ্ৰুতি পূৰণ কৰাৰ দাবী জনাইছিল। ৩১ জুলাইত পঞ্জাবৰ কৃষকসকলে ভাল্লা, ভাটিণ্ডা আৰু আম্বালা অঞ্চলত ৰেল অৱৰোধ কৰিছিল।
হাৰিয়ানাৰ ওচৰৰ সিংগু সীমান্তত বৃহৎ পৰিমাণৰ আৰক্ষী মোতায়েন কৰা দেখা গৈছিল, যিটো অতীতত কৃষকসকলৰ প্ৰতিবাদৰ বাবে এক উত্তেজনাৰ বিষয় হৈ আছিল। আৰক্ষীয়ে দিল্লীৰ সকলো সীমান্ত পথ (হাৰিয়ানা আৰু উত্তৰ প্ৰদেশৰ সৈতে সংযুক্ত)ত বেৰিকেড দিয়া দেখা গৈছিল৷
আৰক্ষীয়ে কয়, দিল্লীৰ বাহিৰৰ জিলা সিংগু আৰু টিক্ৰি সীমান্ত, মুখ্য চাৰিআলি, ৰে’লপথ আৰু মেট্ৰ’ ষ্টেচনৰ কাষত স্থানীয় আৰক্ষী আৰু বাহিৰৰ বাহিনীৰ পৰ্যাপ্ত নিয়োজন আৰু স্থানীয় আৰক্ষী আৰু বাহিৰৰ বাহিনীৰ পৰ্যাপ্ত নিয়োজন কৰা হৈছে৷ আৰক্ষীয়ে কয়৷
কৃষকসকলে উত্তৰ প্ৰদেশৰ গাজিয়াবাদৰ গাজীপুৰ সীমান্তকে ধৰি বাহিৰৰ জিলাৰ অধিকাৰ ক্ষেত্ৰৰ মাজেৰে পাৰ হ’ব বুলি আশা কৰা হৈছে। ইতিমধ্যে, দিল্লীত হাই এলাৰ্ট জাৰি কৰা হৈছে৷
Continue Reading
